影片
更多
2024-07-09
1016 瀏覽
今日應boss要求湊客，成個下午都愁緊要帶佢食乜，怕招待不周。有同事話去食Omakase，吓⋯日本客嚟喎仲帶佢食日本嘢？原來係講緊金紫荊生記最新推出嘅粵菜 Omakase【匠心雅宴】套餐，餐廳獲獎無數，質素有保證，客人肯定滿意。餐廳喺灣仔會展中心入面，旁邊就係金紫荊廣場。裝潢高級典雅，樓底高座位寬敞，坐得舒適。前菜【蔥油蚌仔】象拔蚌新鮮鮮甜。【焦糖伊比利亞黑毛猪叉燒】油脂豐富，香甜又juicy。【話梅杞子】酸酸甜甜挺開胃。湯品【椰青燉響螺鮮鮑魚】椰青嘅果甜加海鮮嘅鮮甜，絕配呀！響螺鮑魚都大大隻又爽口。飲完可以刮埋椰青肉食添。主菜【薑蔥千層竹焗鮮拆波士頓龍蝦】啲薑蔥入晒味，薑嘅香辣無遮蓋龍蝦嘅鮮甜，好有Hong Kong style～【避風塘乳山生蠔】另一道Hong Kong style風味十足嘅菜式，生蠔大大隻，香蒜惹味。兩道菜個客都好鍾意，食完係咁讚添～【咸肉蒸海馬友魚柳】厚厚嘅魚柳上面係金華火腿，魚肉嫩滑充滿咸香，幾有特色，不過我個人都係鍾意食鮮甜嘅魚多啲～【竹笙釀鮮露笋】吸晒高湯嘅竹笙包住清香爽甜嘅鮮露笋，食完一輪海鮮要啲蔬菜消化吓。【鵝蔥油手工麵】上面有櫻花蝦乾，撈起食有蔥油味
餐廳喺灣仔會展中心入面，旁邊就係金紫荊廣場。裝潢高級典雅，樓底高座位寬敞，坐得舒適。
前菜【蔥油蚌仔】象拔蚌新鮮鮮甜。
【焦糖伊比利亞黑毛猪叉燒】油脂豐富，香甜又juicy。
【話梅杞子】酸酸甜甜挺開胃。
湯品【椰青燉響螺鮮鮑魚】椰青嘅果甜加海鮮嘅鮮甜，絕配呀！響螺鮑魚都大大隻又爽口。飲完可以刮埋椰青肉食添。
主菜【薑蔥千層竹焗鮮拆波士頓龍蝦】啲薑蔥入晒味，薑嘅香辣無遮蓋龍蝦嘅鮮甜，好有Hong Kong style～
【避風塘乳山生蠔】另一道Hong Kong style風味十足嘅菜式，生蠔大大隻，香蒜惹味。兩道菜個客都好鍾意，食完係咁讚添～
【咸肉蒸海馬友魚柳】厚厚嘅魚柳上面係金華火腿，魚肉嫩滑充滿咸香，幾有特色，不過我個人都係鍾意食鮮甜嘅魚多啲～
【竹笙釀鮮露笋】吸晒高湯嘅竹笙包住清香爽甜嘅鮮露笋，食完一輪海鮮要啲蔬菜消化吓。
【鵝蔥油手工麵】上面有櫻花蝦乾，撈起食有蔥油味帶少少蝦味。
最後仲有甜品【胭脂桃膠3.6奶凍】，又甜又透心涼～
客人好滿意，盛讚香港真係多美食，特別鍾意香港風味嘅兩道菜色，食完仲同我閒話家常，我都放下心頭大石。
張貼
