影片
更多
2016-05-08
1452 瀏覽
大隻佬老闆熱情親切，好主動每次落單到笑容滿面問要碟油菜麻，又積極地推介菜式，very good！其他職員嬸嬸見到都特別落力！孭晒袋帶晒衫去到旺角，真係要偷懶一晚唔操拳喇，大髀肌肉痛到發唔到力，腳震震去到拳館樓下都要截返！去食豬腳補補去先得！暫時食過最好味既豬手，珍苑、群記、深仔記、池記都行埋一邊。豉油皇豬手撈麵走蔥，超鬆化軟滑膠口黏黏的，絕對骨膠原！浸得入味，不濁不嗆兼清爽，不油不膩不羶又乾淨，仲有修腳甲添！啖啖肉啱晒食肉獸，大愛。推介酒香辣椒油兼勁辣，冒住汗不停吸啜爽爽幼麵，黏著厚厚辣椒肉併上極品豉油皇，濃濃豉油香加辣味飄香，辣到情緒高漲。蠔油芥蘭，$16 蚊既芥蘭果然高質，甜到不得了！爽脆多汁，咬到咯咯聲。連菜葉都無渣鮮嫩，沾上咸香不濁蠔油，好味高質。腩汁白菜仔，今晚只有白菜仔、芥蘭、菜芯揀乍。白菜仔不過不失，鮮爽又充滿水份，係唔夠甜啫。食過最好味都係西洋菜，爽甜又特別。豉油皇金莎撈麵加雲吞走蔥，怪您過份美味，必食推介！勁爽鹼水麵，彈到索索聲，越趙越 high 越停唔到手！豉油味濃厚甜美又芳香，撈上木魚粉非常鮮甜惹味！不過麵既份量太少，我啜兩啖已經食晒，以我胃口要食三碟份量先夠飽呢
孭晒袋帶晒衫去到旺角，真係要偷懶一晚唔操拳喇，大髀肌肉痛到發唔到力，腳震震去到拳館樓下都要截返！去食豬腳補補去先得！暫時食過最好味既豬手，珍苑、群記、深仔記、池記都行埋一邊。
豉油皇豬手撈麵走蔥，超鬆化軟滑膠口黏黏的，絕對骨膠原！浸得入味，不濁不嗆兼清爽，不油不膩不羶又乾淨，仲有修腳甲添！啖啖肉啱晒食肉獸，大愛。
推介酒香辣椒油兼勁辣，冒住汗不停吸啜爽爽幼麵，黏著厚厚辣椒肉併上極品豉油皇，濃濃豉油香加辣味飄香，辣到情緒高漲。
蠔油芥蘭，$16 蚊既芥蘭果然高質，甜到不得了！爽脆多汁，咬到咯咯聲。連菜葉都無渣鮮嫩，沾上咸香不濁蠔油，好味高質。
腩汁白菜仔，今晚只有白菜仔、芥蘭、菜芯揀乍。白菜仔不過不失，鮮爽又充滿水份，係唔夠甜啫。食過最好味都係西洋菜，爽甜又特別。
豉油皇金莎撈麵加雲吞走蔥，怪您過份美味，必食推介！勁爽鹼水麵，彈到索索聲，越趙越 high 越停唔到手！豉油味濃厚甜美又芳香，撈上木魚粉非常鮮甜惹味！不過麵既份量太少，我啜兩啖已經食晒，以我胃口要食三碟份量先夠飽呢！
一口鮮肉雲吞 size 最理想，咬落味濃爆肉汁，彈滑實淨，滿意。酒香辣椒油夠晒巴辣，中辣已令我有少少冒汗，因為我並不少淺嚐幾滴那麼內歛，係毫不客氣大羹大羹地要每一條麵條都要沾上辣椒渣呢！極度刺激，直擊大腦！有點想買兩樽返屋企既衝！
魚蛋河走蔥，河粉堅廷夠硬淨，大小切得不平均，時闊時窄影響口感，我覺得食緊上海粉皮。掛湯力極弱，唯有連湯倒落口。清湯底還可以，味道清爽，但配上無味河粉變得更淡，好采有無敵辣椒油救駕。
我叫魚蛋，為何變晒魚角呢？外皮香口，趙落富彈性，味道一般，不過不失。因為個撈麵份量實在太小，食完都依然覺得肚餓，好奇下想試河粉，但中伏了！人家好地地賣麵賣牛做招牌菜，您就係要試另類野，抵您架！
鳳爪撈麵腩汁走蔥，又唔記得叫豉油皇撈添，最好食係豉油皇。幼麵勁幼勁爽勁彈，超水準！腩汁清香不嗆不濁，滿意！炆雞腳？真有 heart，炆得非常膠口又不失咬口，膠到抺咀時黐住張紙巾，勁堅！非常濃郁豉油滷水味，偏咸一點，可接受，可能配湯麵會剛剛好。
自家辣油，頂級夠又香夠辣，味道獨特，陣陣酒香尤其吸引，多左種似曾相識既香味，好熟悉但講唔出！總之好好味，併上腩汁撈麵好夾，錦上添花，奏出非凡味道更加好食。
辣牛筋麵走蔥，辣牛筋味道好似五香撈咖哩呢，不太喜歡。而且今次係屬爽滑型，我鍾意食勁棉勁腍又索晒味架。清湯底都幾好，落大量辣椒油正好多，刺激刺激！忍唔住全部飲晒，但之後有點喝啊。
到低啲麵落左咩藥架？食極都唔飽、食極都唔夠喉！食完碟撈麵黎多碗湯麵都仲未夠飽呢。湯麵既幼麵反而比撈麵嚥韌喎，好神奇！
豉油皇豬手撈麵走蔥
26 瀏覽
1 讚好
0 留言
豉油皇豬手撈麵走蔥
22 瀏覽
0 讚好
0 留言
蠔油芥蘭
22 瀏覽
0 讚好
0 留言
蠔油芥蘭
41 瀏覽
0 讚好
0 留言
腩汁白菜仔
31 瀏覽
0 讚好
0 留言
豉油皇金莎撈麵加雲吞走蔥
45 瀏覽
1 讚好
0 留言
豉油皇金莎撈麵加雲吞走蔥
32 瀏覽
0 讚好
0 留言
魚蛋河走蔥
15 瀏覽
0 讚好
0 留言
鳳爪撈麵腩汁走蔥
21 瀏覽
0 讚好
0 留言
鳳爪撈麵腩汁走蔥
23 瀏覽
0 讚好
0 留言
辣牛筋麵走蔥
41 瀏覽
0 讚好
0 留言
張貼
