影片
更多
2021-02-08
1027 瀏覽
喺星街附近搵咗間cafe chill 完一陣，跟住行到上去月街去食呢間米芝蓮推介越南河粉 ( 利申: 飲咖啡前，已經攞咗位，排第四張) 見到門口有17-21年米芝蓮推介，滿心期待排位唔算耐，大約30分鐘，所以攞咗位，再去附近行吓就差唔多時間。坐低咗之後，店員會俾張紙仔你揀生同熟牛肉同埋加啲咩配料。我哋一齊揀咗越南湯河，一碗係特級生牛肉，一碗生熟牛肉，另外再加多個春卷。坐咗一陣已經好快有嘢食河粉到嘅時候，店員會另外俾一碗芽菜青檸同basil，無辣不歡嘅朋友，可以問佢攞辣椒粒。首先當然要試吓佢嘅湯，飲到好濃嘅牛骨味，同埋唔係太油，亦都唔係太鹹，正啲河粉質感好滑，口感好好，唔會黐埋一舊。至於牛肉，就算揀熟嘅都唔會好老，口感仍然好tender！特級生牛肉就唔需要多講。碗麵嘅portion唔係好大，但係都夠一個肥仔食🤪 另帶一提，建議可以另加牛筋，入口即溶🤤埋單都係$269 ，整體黎講，米芝蓮推介唔算太貴，值得一試
見到門口有17-21年米芝蓮推介，滿心期待排位唔算耐，大約30分鐘，所以攞咗位，再去附近行吓就差唔多時間。
坐低咗之後，店員會俾張紙仔你揀生同熟牛肉同埋加啲咩配料。我哋一齊揀咗越南湯河，一碗係特級生牛肉，一碗生熟牛肉，另外再加多個春卷。
坐咗一陣已經好快有嘢食河粉到嘅時候，店員會另外俾一碗芽菜青檸同basil，無辣不歡嘅朋友，可以問佢攞辣椒粒。
首先當然要試吓佢嘅湯，飲到好濃嘅牛骨味，同埋唔係太油，亦都唔係太鹹，正啲河粉質感好滑，口感好好，唔會黐埋一舊。至於牛肉，就算揀熟嘅都唔會好老，口感仍然好tender！特級生牛肉就唔需要多講。
碗麵嘅portion唔係好大，但係都夠一個肥仔食🤪
另帶一提，建議可以另加牛筋，入口即溶🤤
埋單都係$269 ，整體黎講，米芝蓮推介唔算太貴，值得一試
張貼
