柏斯意大利餐廳 (已結業)

今日專程黎到粉嶺搵食，見到呢間餐廳係粉嶺區既openrice排名都幾高入到去 見到好靚既裝修，好高貴，好乾淨 座位數目都幾多，環境寧靜一坐位，店員送上新鮮熱辣辣既麵包 同朋友兩個人黎到，分別地比兩款不同既all day breakfast吸引左於是就咁決定先黎第一份 係柏斯早餐Pezzi breakfast有兩條粗粗既腸，茄汁豆，炒滑蛋，薄牛肉沙律菜配多士，重有檸檬薄荷汁配新鮮水果 水果已被切粒，食既時候非常方便，加埋檸檬薄荷汁，味道未係太突出，但幾開胃 滑蛋火喉岩岩好，幾滑，幾大份每個餐配一杯鮮榨果汁！ 即榨果汁果然非常新鮮，帶有非常甜既果香，而且幾大杯蘋果同橙汁都一流我點既係傳統英式早餐-classic egg benny 兩隻大大既斑尼迪蛋，上面重加左大大塊巴馬火腿，配上蛋黃醬足夠兩人分享每人一隻 不得不提旁邊既炒薯仔，非常惹味，愈食愈想食 薯仔份量足夠，炒得剛好，唔會燶 呢到既all day breakfast 超大份，性價比高用料新鮮，份量足夠坐得舒服