WAKE UP BISTRO

營業中

休息中

今日係想帶狗狗出嚟玩，所以專登搵咗呢間寵物友善Cafe。如果有寵物的話，就要坐室外。有兩張大枱兩張細枱，都有太陽傘可以遮到太陽，所以幾好。我哋都係揀咗呢個假日lunch Menu價錢都OK。今日個湯係蘑菇湯。天氣凍到想食啲熱嘅嘢，就叫咗焗豬扒飯，熱辣辣好足料。另外就係蟹肉意粉，味道不過不失，份量足夠。令我最驚喜係呢個甜品！估唔到椰子雪芭真係用個椰子殼裝住，表面仲有啲西柚肉。呢個雪芭椰子味好出。美中不足嘅係喺室外一定係用即棄餐具，如果冇帶狗狗嚟可以坐室內就可以用返正常餐具。