梨泰院 (瓏山1號) (已結業)

好耐冇食過韓國嘢，知道粉嶺附近開咗間韓國餐廳。身邊朋友都有講過，所以今日走來食lunch！價錢唔貴，食物多選擇~芝士紫菜包飯，一客有10件，價錢唔使$40 ，好抵食！炆牛肋條飯，牛肋湯熱辣辣，裡面包左大量洋蔥同蘿蔔，湯頭好鮮甜，牛肋條炆得超腍，好好送飯。韭菜煎餅，即叫即整，食落香脆，包左大量韭菜，超足料，煎餅跟咗個秘製醬汁，帶點甜！價錢仲好抵添，兩個人分每人都有4件。飲品方面，藍莓沙冰同益力多乳酪沙冰，前者甜左少少，益力多個款幾推介！