粉果佬

營業中

休息中

好耐無去街，除咗為廚房入貨外，真係好少踏出家門，今日有事要出去，立即去 粉果佬 買兩個小朋友最鍾意嘅 燒賣。呢度嘅燒賣（10蚊5粒）係自家製，同一般魚肉燒賣唔同，佢唔會「一舊粉」咁，口感煙韌，加辣油最好味，但比小朋友食，今次只係落咗豉油。我自己就鍾意食 粉果（12蚊3個），佢嘅外型幾特別，好似油角！外皮唔厚，口感煙韌，裏面嘅餡好惹味。今次仲試埋 碗仔翅（$22）好香好足料，啖啖都係木耳絲、冬菇絲和肉絲。下次嚟試埋咖喱魚蛋先！