Talk 2 DeCream (已結業)

呢日放假喺尖沙咀剪頭髮加Hea咗成日，中午時間經過厚福街見到間新開勁粉紅Pink Pink💕少女風嘅雪糕店，我就已經決定好當晚要食佢做甜品。夜晚食完飯後我就帶朋友去試下，可能好多人嘅想法同我一樣(食飯後甜品)，所以晚上九點幾嘅鐘數勁多人幫襯小店👏。小店由兩位年輕女店員主理，佢哋又靚女，又好禮貌，淨係買兩杯雪糕都感受到佢哋好好人😊。🍦雪糕店主打各式各樣唔同組合嘅雪糕，水果同朱古力口味皆有。不過我哋就揀咗最特別嗰兩款試下。精細手作肉桂蘋果樹($52)，我由好憎肉桂味變到好鍾意，肉桂同蘋果呢個組合真係無懈可擊😍。肉桂粉令到個雪糕變得好好食，而且有大量蘋果肉／蓉，加埋上面塊好爽脆嘅蘋果乾，好正🍎。食下食下去到中間層Layer，原來仲有餅乾碎添。成個雪糕嘅感覺有啲似Crumbs嘅Froyo，我以前嘅最愛。生蜂蜜玫瑰奶杯($52)，生蜂蜜真係第一次食，佢並唔係蜂巢脆脆，亦唔係普通蜜糖🍯；食落係好甜，但又有種幾清潤嘅感覺，非常唔錯。🌹玫瑰味恰到好處，能為雪糕點綴一下。不過呢杯嘅配搭仲有Oreo曲奇餅🍪，個人覺得唔係好夾，但未至於怪嘅。由於天氣熱，雪糕溶得幾快下，所以我哋都拿拿臨影幾張相算🤣。兩杯雪糕