Arte by Padaria (已搬遷) 新店位置

終於有機會去K11 Musea既Arte by Padaria朝聖一下❤️整個店面都係粉紅色主題，甜品賣相亦好吸引，同朋友揀左圓碌碌好可愛既法式可頌夾心球！法式可頌夾心球靈感源自新月型既傳統可頌麵包，結合由新月化成滿月嘅美觀外型，每一件都好精緻🥰最欣賞店家創作每一個口味配搭都融入左世界各地不同材料，鹹甜選擇都有， 係一款無論節日送禮定同朋友share都好適合既法式甜品！可頌夾心球外層係酥脆口感，充滿牛油香；而內層就係軟熟馬德蓮蛋糕，加埋唔同配料味道層次好豐富！🔸伯爵茶馬德蓮&芒果🔸卡邦尼&煙肉🔸日本綠茶馬德蓮&十勝紅豆粒🔸紅絲絨馬德蓮&杏仁四款口味各有特色，而且味道配搭好和諧；特別鍾意紅絲絨同伯爵茶口味，甜度適中而且配料大大增強口感，食哂成件都唔怕膩🤤店員話遲d店舖會搬去K11 Art Mall，有興趣試記得check下店家social media🙆🏻‍♀️