彩福皇宴 (置富都會)

營業中

休息中

上星期屋企人生日，所以就同佢地去彩福皇宴食飯。彩福皇宴以粉綠色為主，離遠就見到好靚嘅粉綠色，好高級嘅格調。我地叫左2隻龍蝦，一上枱見到都幾大份。龍蝦肉一切就成舊出秀，食得好方便，唔洗整污糟隻手。肉就幾大舊幾鮮，唔錯嫁。虎皮椒腰果牛柳粒，牛柳粒都幾多，唔會韌好易咬。綠色嗰啲椒有啲都幾辣，我食到一粒好辣，所以食嗰時唔好一啖擺落口。聖子皇，呢個好食。聖子好大好鮮，配上粉絲一流，粉絲吸曬啲鮮味。瑤柱蛋白炒飯，啲飯炒得幾好，粒粒分明。瑤柱都幾多，幾乎啖啖都食到瑤柱。最後叫左個原個椰皇燉燕窩，上面係燕窩，下面係燉奶，仲有淡淡嘅椰子味，感覺都幾養顔。