味千拉麵 (已結業)

今日去味千食lunch, 因為自己好鍾意食粟米, 所以叫左個粟米拉麵配粟米沙律午餐, 不過就好失望。先講沙律, D粟米暗淡無光, 一D都唔新鮮, 入口淡而無味, 一D鮮甜味都冇, 心諗雖然麥記D粟米唔算好好味, 但都比佢好好多。拉麵就更加不堪一提, 湯面佈滿肥油, 拉麵D粟米同沙律D粟都一樣咁差, 叉燒就肥到成塊肥豬肉咁, 拉麵又硬..... 點解咁難食O既野都可以攞出黎比人食, 攪錯。找完數出門口, 我諗我都唔會再踏入這個門口。