豆漿大王

營業中

休息中

呢排去新蒲崗做運動，因為做運動唔可以食太飽，所以就揀左去食豆漿大王，無疑是一家粢飯愛好者的天堂。店內環境簡單明亮，但keep住多人，係會有少少擠逼感，不過還可接受。上次食鹹豆漿覺得比較一般，所以今次試佢哋嘅招牌粢飯。因為粢飯要即整，所以都真係要啲時間去製作同等，不過的確高質，因為啲首先米飯綿密Q彈，唔會太腍啤啤，係有咬口，而且佢哋嘅配料都做得唔錯，油炸鬼真係堅脆，當然我唔知如果外賣會唔會腍左，但現場食的確正，榨菜係有再炒過下，所以會乾身啲，同有口感，肉鬆份量唔叫多，不過係脆嘅，我估因為佢個糯米飯比較乾無咁濕，少啲水氣，令啲配料脆好多。