生記粥品專家

營業中

休息中

六點左右入座唔洗等位，姐姐比左門口轉角位我地，座得舒服，開心曬！叫左鮮牛豬潤粥，朋友叫左鮮雞粥。大家都係袖珍size, 黎到都唔細，好在無叫大碗～鮮牛同豬潤都熟得岩岩好！朋友既雞係雞脾肉，好滑，無失望。不過油炸鬼凍既，淋曬，佢切開幾舊，好似係得半條左右。。。。想叫魚餅，但只賣到17：15。好多人都叫麵食類，有機會都要食下先～朋友話晏晝好多人，要排隊架！因為無人等位，姐姐都唔會急住趕我地走，食完同朋友吹左好耐水，整體黎講唔錯，有機會會再試！