一鍋瘋 (已結業)

粥底邊爐一直係我最想試既野食 今日同個朋友去左一鍋瘋 呢間既吸引之處係每人一鍋 可以自己想揀咩湯底都得 唔洗同人撞我就揀左粟米湯底 一鍋瘋一定係要配海鮮套餐 每位188蚊 套餐入面有menu寫個啲海鮮 魚蜆 貴妃蚌 鮑魚 蝦同蟹 仲有教你要放邊樣野食先 樣樣海鮮都好新鮮 好好食 除左個蜆仲有少少沙 我覺得188蚊食到都算不錯食完海鮮當然唔少得要叫啲肉食 叫左牛肉 迷你拼盤有好多不同既滑 我覺得另加既配料就唔係好好食 啲滑食到有雪味 完全無左肉丸既肉味 牛肉都係普普通通食到最後 當然就要食個粥底 啲staff會放左南瓜粒同芋頭粒係入面 等佢一陣再加米糊 再煲佢一陣 個味道好香 有香甜既粟米味 但因為頭先煮過海鮮 個粥仲有好蟹味 味道比起平時食個啲粟米粥濃郁好多 好好味 粥底火煱真係連湯渣都食埋 完全唔浪費