瑞士餐廳

營業中

休息中

瑞士餐廳就梗係要是瑞士芝士火鍋啦。佢呢度嘅芝士火鍋係跟人頭叫嘅，如果想食多啲其他唔同嘢可以幾個人share一份都得。呢盤芝士真係香到不得了，下面有火㷫住佢。我哋叫咗牛肉粒嘅芝士火鍋，另外佢會跟埋麵包粒同埋蔬菜。啲牛肉粒本身已經差唔多熟，放落個芝士火鍋度其實主要係等佢沾滿芝士然後先至食，啲蔬菜亦都係熟咗嘅，我覺得西蘭花點芝士真係正。用麵包粒嚟點芝士都唔錯，我諗緊如果佢唔係麵包粒，而係多士粒可能會仲正。睇OpenRice話呢度嘅生啤好味，所以叫咗嚟試吓，味道真係唔錯。上菜之前有一舊好靚嘅牛油仲有一啲暖笠笠嘅麵包俾你作為餐前小食。呢度啲餐具都好靚㗎。