影片
更多
2023-03-14
716 瀏覽
今日入愉景灣郊遊， 唔知去邊度搵食，👀 住喺度嘅朋友仔介紹， 牡丹軒都幾好食，👍 於是就決定一試。🙃 原來地點好方便， 就喺碼頭旁邊嘅愉景灣廣場， 環境非常之好 ，兩層高嘅樓底， 寬闊嘅座位， 枱與枱之間亦都隔得好梭， 人客全部都係好斯文， 冇人大聲講嘢。 服務更加係一流 ，一出門搵洗手間，即刻有人話畀你聽喺邊。 我哋入嚟玩唔知頭唔知路 ，酒樓職員耐心講解， 點樣搭巴士周圍去 ，服務周到細心❤。 我哋今晚點咗幾樣嘢， 紅燒花膠雞煲，金勾魚湯菜苗， 一個老火湯，一個靚仔，埋單五百蚊，性價比高，係非常值得推介嘅酒家。💥💥 紅燒花膠滑雞煲🐔＄208幾舊厚厚嘅花膠，燜得好淋，加埋好香好有雞🐔味嘅滑雞，用乾蔥薑片同埋香菇一齊燜，相當有水準嘅小菜。 👍💥💥金勾🦐魚湯🐟菜苗🥬＄138估唔到一碟菜有咁多材料，首先有好多好靚嘅大蝦乾，煮得又香又鮮又軟淋， 跟住仲有瑤柱冬菇薑絲杞子，真係好講究， 白菜仔清甜，索曬啲魚湯 ，超正嘅一個菜。💥💥 廚師豐料老火湯一位＄58今日嘅老火湯係章魚節瓜煲豬肉， 煲得好夠火喉 ，湯入面仲有啲節瓜瘦肉同埋章魚， 啲湯送上嚟嗰陣時仲係好熱， 好香 ，呢啲先至係好酒家應有嘅水準
28 瀏覽
0 讚好
0 留言
原來地點好方便， 就喺碼頭旁邊嘅愉景灣廣場， 環境非常之好 ，兩層高嘅樓底， 寬闊嘅座位， 枱與枱之間亦都隔得好梭， 人客全部都係好斯文， 冇人大聲講嘢。 服務更加係一流 ，一出門搵洗手間，即刻有人話畀你聽喺邊。 我哋入嚟玩唔知頭唔知路 ，酒樓職員耐心講解， 點樣搭巴士周圍去 ，服務周到細心❤。
我哋今晚點咗幾樣嘢， 紅燒花膠雞煲，金勾魚湯菜苗， 一個老火湯，一個靚仔，埋單五百蚊，性價比高，係非常值得推介嘅酒家。
💥💥 紅燒花膠滑雞煲🐔＄208
幾舊厚厚嘅花膠，燜得好淋，加埋好香好有雞🐔味嘅滑雞，用乾蔥薑片同埋香菇一齊燜，相當有水準嘅小菜。 👍
💥💥金勾🦐魚湯🐟菜苗🥬＄138
估唔到一碟菜有咁多材料，首先有好多好靚嘅大蝦乾，煮得又香又鮮又軟淋， 跟住仲有瑤柱冬菇薑絲杞子，真係好講究， 白菜仔清甜，索曬啲魚湯 ，超正嘅一個菜。
💥💥 廚師豐料老火湯一位＄58
今日嘅老火湯係章魚節瓜煲豬肉， 煲得好夠火喉 ，湯入面仲有啲節瓜瘦肉同埋章魚， 啲湯送上嚟嗰陣時仲係好熱， 好香 ，呢啲先至係好酒家應有嘅水準，最怕啲湯唔熱唔凍溫溫吞吞 ， 冇曬香味， 煲得再好都冇用。
呢一餐飯食得好舒服好滿意，呢度環境好服務好，最緊要就係食物嘅質素要高， 廚師煮得好，服務人員細心周到，畀人賓至如歸嘅感覺，值得一再推薦。🤗🤗
張貼
