牛品台式火鍋

營業中

休息中

最近就試咗一間台式火鍋，地點喺尖沙咀非常之方便。佢需要上一樓嘅，但係估唔到地方好大，好光猛而且好多張卡位坐，一班人聚餐比較舒服🥳佢非常之多嘅湯底選擇，咁今日就比較想食清淡少少，就揀咗個元氣養生鍋🤣，試咗一啖湯底，感覺上好滋潤入邊仲有啲細嘅人蔘仔同埋雞件非常之足料揀咗個牛御品套餐$359位，而家仲可以送春陽茶事台式飲品同送左兩隻鮑魚😍😍套餐入邊可以揀M9和牛、牛小排、一口和牛、封門柳🥩等等，任叫任食。牛肉都比較高質，有牛肉嘅香味亦都唔會韌除咗肉類，仲有啲唔同嘅小食，包括鹽酥雞，香腸🍢🍡等等。咁我就叫咗個魚皮同埋墨魚仔。細細份啱啱好可以試一試，兩個嘅味道都有少少辣，香料十足除此之外，佢出邊仲有唔同嘅自助食物區，更加有台灣直送嘅丸類。甚至仲有啲熱食區、生果區、飲品區非常之多選擇，簡直眼花撩亂😍最後梗係唔少得甜品，好難得見到有一個自助飄雪綿綿冰嘅機😍即刻試一試先，整完綿綿冰，仲可以加Häagen-Dazs雪糕同埋唔同嘅台式配料，超級超級多選擇，有寒天、西米、愛玉、芋圓，鍾意食邊款就落邊款，好滿足😘牛品台式火鍋 (尖沙咀)尖沙咀樂道32-34號1樓