影片
更多
2024-09-03
398 瀏覽
中環中菜價位未必遙不可及，今晚約左同事去中環嘅【六如】食晚飯，餐廳前身【三小漁】都係一間明星級粵菜，同樣菜式，種類繁多，擺盤別緻，而且價格都比較相宜，值得去試試竹炭黑磚豆腐 $18/件 香檸凍蝦$28/份2款前菜都好出色，豆腐以竹炭黑色外皮包裹，炸得酥脆，加上少少炸蒜碎，令味道略似椒鹽豆腐，非常香口香檸凍蝦具泰式風味，微辣中帶點酸味，而且蝦肉彈牙，夏天食零舍開胃油鹽水花甲$128每隻花甲都好大隻，仲有紅色脷，未食都知鮮甜，用油鹽水烹調更突出花甲原始鮮味，底中嘅粉絲更加索晒花甲嘅精華，好清甜香茅烤椒煎焗生蠔$28/隻超抵食😍煎焗生蠔最少4隻起下單，生蠔份量十足，厚肉飽滿🦪只係4隻已經逼滿成個煲仔😂店員即席才打開煲蓋，未食先聞到清香嘅香茅味，醬汁亦唔會太重口味，食落一啲都唔漏手作糖山冰鎮咕嚕肉$198絕對係餐廳招牌菜之一⭐️擺盤上嘅手拉糖非常精緻，令人賞心奪目😌咕嚕肉肥瘦適中，肉質鬆軟，加上冰鎮後變得酥脆嘅外皮，鍾意食咕嚕肉嘅朋友一定唔可以錯過！口水雞$108味道好friendly嘅口水雞🐥因為完全唔會辣到嗆口，仲帶少少甜味，連食唔到太辣嘅朋友都輕鬆駕馭😂雞肉都好嫩滑，啖啖肉，蘸上醬汁食更
中環中菜價位未必遙不可及，今晚約左同事去中環嘅【六如】食晚飯，餐廳前身【三小漁】都係一間明星級粵菜，同樣菜式，種類繁多，擺盤別緻，而且價格都比較相宜，值得去試試
竹炭黑磚豆腐 $18/件 香檸凍蝦$28/份
2款前菜都好出色，豆腐以竹炭黑色外皮包裹，炸得酥脆，加上少少炸蒜碎，令味道略似椒鹽豆腐，非常香口
香檸凍蝦具泰式風味，微辣中帶點酸味，而且蝦肉彈牙，夏天食零舍開胃
油鹽水花甲$128每隻花甲都好大隻，仲有紅色脷，未食都知鮮甜，用油鹽水烹調更突出花甲原始鮮味，底中嘅粉絲更加索晒花甲嘅精華，好清甜
香茅烤椒煎焗生蠔$28/隻
超抵食😍煎焗生蠔最少4隻起下單，生蠔份量十足，厚肉飽滿🦪只係4隻已經逼滿成個煲仔😂店員即席才打開煲蓋，未食先聞到清香嘅香茅味，醬汁亦唔會太重口味，食落一啲都唔漏
手作糖山冰鎮咕嚕肉$198
絕對係餐廳招牌菜之一⭐️擺盤上嘅手拉糖非常精緻，令人賞心奪目😌咕嚕肉肥瘦適中，肉質鬆軟，加上冰鎮後變得酥脆嘅外皮，鍾意食咕嚕肉嘅朋友一定唔可以錯過！
口水雞$108
味道好friendly嘅口水雞🐥因為完全唔會辣到嗆口，仲帶少少甜味，連食唔到太辣嘅朋友都輕鬆駕馭😂雞肉都好嫩滑，啖啖肉，蘸上醬汁食更加惹味
法式焦糖燉蛋$58
估唔到中菜餐廳整嘅焦糖燉蛋都幾高質，蛋味香濃，鋪滿脆脆嘅焦糖面，再加上滑嘟嘟嘅桃膠，口感有多重享受
桃膠燉手工千絲豆腐$58
千絲豆腐完美證實廚師巧手嘅刀工，豆腐清甜順滑，配合桃膠好滋潤
茶芥（晚市）$15/位
張貼
