鮨燐

營業中

休息中

呢間日本餐廳既廚師發辦真係好正！。佢哋主要食材係來自北海道、九州同沖繩，真係新鮮到不得了，食完之後好開心！我最推介嘅係廚師發辦壽司，真係一個人都可以享受到尊尚嘅享受。時令食材係餐廳嘅一大特色，前菜無論係昆布絲赤水母定係土佐醋，味道都好有層次感。金平蓮藕漬亦都好好味，清脆可口！北海道帆立貝，加上青檸汁，鮮味十足；而深海池魚，肉質更加實在，食落去口感好滑。鮫鰈魚燒得剛剛好，魚邊燒香左，放中間就唔會太乾，搭配博多萬能蔥，味道更出色。九州大芬縣嘅剝皮魚就更加特別，魚肝加咗wasabi同埋豉油，芽蔥中和咗魚肝嘅濃味，口感真係好正。炙燒墨魚亦都唔可以錯過，鎅花再燒，食落去脆口啲，真係令人回味無窮。秋刀魚雙面放咗薑蓉同埋蔥，味道更加鮮明。至於熊本天草縣嘅車海老，加咗飯同蝦膏，簡直係人間美味。魚味濃郁嘅鰤魚同野生油甘魚，呈紅色，食落去更有層次感。赤貝中間加咗柚子皮，清香四溢，真係好特別。再加埋北海道嘅馬糞海膽，真係唔可以錯過。神奈川黑睦魚同炙燒銀鱈魚，細條先可以半生熟咁食，口感更加豐富。鯖魚飯加咗芝麻同紫蘇葉，昆布，味道都好好。最後，餐後嚟碗自家製抹茶奶凍，甜而不膩，真係完美結束。