Notte (已結業)

今日去左銅鑼灣呢間樓上嘅西式餐廳，雖然唔係好大，但係環境好特別，有幾間房，私隱度好高，而食野嘅時候更可以閂埋道門，自己有一間房，好正，而且仲望到個大海景，望住呢個view真係一流。首先前菜就已經係鮑魚，淨係賣相已經好靚，鮑魚嘅口感亦係一流，一d都唔韌，幾易咬，點埋個汁就一流，旁邊仲有兩舊蘿蔔俾你中和一下個口味。之後就有呢個黑松露意粉，將d黑松露醬撈完再食會更好，而意粉就係用幼麵，口感方面亦都唔錯。