寬巷子 (已結業)

最鐘意冬天打邊爐，今次揀咗地點方便喺海港城嘅打邊爐店。佢嘅賣點就係所有嘢都好精緻，擺盤亦都好特別，可以不停打卡。我地叫咗個油炸鬼，得幾條，但個碟超長，勁浮誇，想唔影相都難。啲嘢食除咗睇得之外，質素仲好好。特別係個蝦壽司，係好鮮甜。另外個玫瑰花真係好靚，啲肉食落去仲係好滑嘅添，可能因為點咗蛋白落去煮。除咗啲食物之外，個湯底都要一讚，因為除咗味道一流，仲好足料。以我記得今餐個價錢都唔平，勝在坐得舒服，啲嘢食都係新鮮和好味嘅，又可以打卡，都算可以接受。