影片
更多
2005-10-27
88 瀏覽
今日有點事件要辦, 所以要到太古城走一趟, 呢到有間太子餅店, 經過好幾次, 但未幫襯過, 記得在食評中, 見多位食家都對此餅店給予好評, 於是辦完事後, 便專誠到此餅店, 選購了幾件凍餅品嚐一下! 1. 士多啤梨拿破崙strawberry napoleon ($8), 上下兩層既圓形拿破崙, 未算很脆,但卻幾鬆化, 中間夾住幾片士多啤梨同吉士, 士多啤梨唔酸, 頗鮮甜, 吉士亦唔太甜, 但未夠香滑, 不過我覺得比我家樓下餅店所造既拿破崙好!2. 黑森林卷black forest roll ($8) 朱古力蛋糕軟熟, 內裡夾住朱古力mousse和車厘子, 蛋糕面仲鋪滿朱古力碎, 朱古力mousse既味道不及美心既濃烈, 但仍有朱古力味道, 所以感覺不會太漏, 而令我估唔到既就係有車厘子果肉, 美心都只係以jelly代替車厘子, 而呢件黑森林卷就係用真正車厘子, 雖然車厘子係切開左, 唔係原粒, 但卻唔係罐頭貨(蛋糕面個粒除外)!3. 藍莓芝士蛋糕blueberry cut cake ($9) 我見呢件蛋糕既英文名唔係cheese cake, 於是問下店員, 佢話呢件係芝士, 仲話呢件好
1. 士多啤梨拿破崙strawberry napoleon ($8), 上下兩層既圓形拿破崙, 未算很脆,但卻幾鬆化, 中間夾住幾片士多啤梨同吉士, 士多啤梨唔酸, 頗鮮甜, 吉士亦唔太甜, 但未夠香滑, 不過我覺得比我家樓下餅店所造既拿破崙好!
2. 黑森林卷black forest roll ($8) 朱古力蛋糕軟熟, 內裡夾住朱古力mousse和車厘子, 蛋糕面仲鋪滿朱古力碎, 朱古力mousse既味道不及美心既濃烈, 但仍有朱古力味道, 所以感覺不會太漏, 而令我估唔到既就係有車厘子果肉, 美心都只係以jelly代替車厘子, 而呢件黑森林卷就係用真正車厘子, 雖然車厘子係切開左, 唔係原粒, 但卻唔係罐頭貨(蛋糕面個粒除外)!
3. 藍莓芝士蛋糕blueberry cut cake ($9) 我見呢件蛋糕既英文名唔係cheese cake, 於是問下店員, 佢話呢件係芝士, 仲話呢件好受歡迎! 藍莓醬混合左少許藍莓肉, 下面白色一層, 店員話係芝士, 口感都幾滑, 但芝士味就唔多突出, 不過又唔係cream既味道, 最底一層係幾脆既餅, 餅底都幾厚, 味道有點似牛油酥餅, 我食得出有牛油味, 唔太合我口味, 除左餅底之外, 整件餅都算食得過!
4. 孖寶芝士蛋糕marble cheese cake ($10) 之前食家話呢件蛋糕既英文名係double cheese, 但我見佢而家係寫住marble cheese, 可能佢已經改正左! 呢件既芝士味道比較突出, 但未算太濃, 口感亦唔算好實, 所以唔覺得好膩, 不過我食唔出佢「孖寶」既味道, 我只食到一種味, 就係芝士味, 好似同new york cheese 冇分別, 佢仲有層薄薄既餅底, 呢個餅底冇咁牛油味, 不過就唔脆, 如果唔係眼見到, 單憑口既感覺, 都唔知道佢有層餅底!
之前食家話呢到既芝士蛋糕係$8一件, 但我而家買已經$10一件, 不過, 以一家屋村既小型餅店, 都能夠造出咁精緻既西餅, 細細一件, 唔會偷工減料, 又能夠令食家滿意, 雖然加左價, 但都覺得物有所值!
張貼