影片
更多
2015-11-08
199 瀏覽
出黎旺角揾食，黎到雅蘭中心，揀了坐位寛躺嘅越南菜，唔使坐得咁迫嘛。餐牌印刷精美，有圖片參考，叫左幾樣望落好吸引嘅。芒果椰子沙冰 $35，友人點左呢杯飲品，甜甜嘅芒果味加入椰汁，香甜幼滑呢。薄荷荔枝沙冰 $35，自己點左呢樣，好濃嘅薄荷味好清新，加埋甜甜嘅荔枝又幾夾喎。魷魚藕苗沙律 $78想點個開胃菜就揀左呢樣，見未食過藕苗咪試下咩黎，好得意呀一條條幼身牌嘅蓮藕，用醋醃制過好酸好醒胃，口感爽脆又幾特別。鑊仔糯米餅配卡邦尼汁 $48煎香嘅糯米餅下面舖了一層椰菜絲，糯米餅煙煙韌韌，椰菜絲清爽，兩者加埋卡邦尼汁同吃中和返口感，一啲都唔會漏，好新款又好好味！咖哩軟殼蟹鍋 $128一鍋有兩隻大軟殼蟹，大size都好軟身㗎，吸滿咖哩汁一流，咖哩帶椰香並唔辣，連怕辣嘅朋友都大啖大啖食，連汁都撈埋，佢話好正喎蒜容牛油焗銀鱈魚配雜菜沙律 $158，呢個為朋友而叫嘅，哈哈，佢真係好鍾意食銀鱈魚，見到雙眼放光啦～蒜容牛油焗夠香口，魚本身大量魚油又嫩又滑，口感味道都無敵！越式炸香蕉 $30，最後要返個甜品作結，炸起嘅香蕉又甜又軟綿，點上朱古力醬同椰汁一齊食，另外雪糕有雲呢拿同曲奇揀，要左曲奇味，上面淋了一層朱古
餐牌印刷精美，有圖片參考，叫左幾樣望落好吸引嘅。
芒果椰子沙冰 $35，友人點左呢杯飲品，甜甜嘅芒果味加入椰汁，香甜幼滑呢。薄荷荔枝沙冰 $35，自己點左呢樣，好濃嘅薄荷味好清新，加埋甜甜嘅荔枝又幾夾喎。
魷魚藕苗沙律 $78
想點個開胃菜就揀左呢樣，見未食過藕苗咪試下咩黎，好得意呀一條條幼身牌嘅蓮藕，用醋醃制過好酸好醒胃，口感爽脆又幾特別。
鑊仔糯米餅配卡邦尼汁 $48
煎香嘅糯米餅下面舖了一層椰菜絲，糯米餅煙煙韌韌，椰菜絲清爽，兩者加埋卡邦尼汁同吃中和返口感，一啲都唔會漏，好新款又好好味！
咖哩軟殼蟹鍋 $128
一鍋有兩隻大軟殼蟹，大size都好軟身㗎，吸滿咖哩汁一流，咖哩帶椰香並唔辣，連怕辣嘅朋友都大啖大啖食，連汁都撈埋，佢話好正喎
蒜容牛油焗銀鱈魚配雜菜沙律 $158，呢個為朋友而叫嘅，哈哈，佢真係好鍾意食銀鱈魚，見到雙眼放光啦～蒜容牛油焗夠香口，魚本身大量魚油又嫩又滑，口感味道都無敵！
越式炸香蕉 $30，最後要返個甜品作結，炸起嘅香蕉又甜又軟綿，點上朱古力醬同椰汁一齊食，另外雪糕有雲呢拿同曲奇揀，要左曲奇味，上面淋了一層朱古力醬，又甜又香滑，整個甜品都超正！這裏上菜不快，不用食得太急，可以慢慢欣賞一下邊同朋友吹下水，偶然放慢一下腳步輕鬆食餐飯吧。
張貼
