影片
更多
2024-06-23
51 瀏覽
適逢朋友生日，特登搵咗呢間高級韓國菜同佢慶祝💕▫️綻放的櫻花生牛肉 ($280)個名好有意境，擺碟亦都好靚🤣碟邊放咗各種材料，可以將生牛肉隨喜好撈埋一齊，我自己就鍾意咩都唔撈就咁食😆第一次食生牛肉係配炸咗嘅紫菜，紫菜好脆牛肉又軟嫩，加埋一齊又幾特別▫️海鮮煎餅($215)外層煎炸至金黃酥脆，海鮮份量好多，最驚艷係上面放咗好多魚乾仔，令成個煎餅都充滿鮮味🤤▫️韓牛大蔥卷配泡菜炒飯 ($880)店員會係我哋面前即煎，一路煎已經香氣四溢。牛味香濃，肉質嫩滑，韓牛充滿油脂，配埋清爽嘅大蔥啱啱好，可以中和牛肉嘅油膩感得嚟又唔會搶咗牛嘅香味。泡菜炒飯加入韓牛碎一齊炒，酸酸辣辣好惹味。▫️海膽牛肉魚籽釜飯 ($295)無留意韓牛大蔥卷已經配咗炒飯，又叫咗個釜飯🙈口感豐富，牛肉軟淋，混合埋海膽同魚籽，鮮味濃郁，未食個飯之前已經飽咗8成都覺得佢好食🤣▫️Snowing Night ($118)用上Seosul Cheongju呢款韓國清酒作為基底，杯邊有少少鹽巴，帶岀橙同青檸嘅酸甜果味，酒味唔重。▫️The Night Begins ($108)呢款就用燒酒、青檸汁、菠蘿汁同蘋果醋調配而成，酒味比Snowing N
▫️綻放的櫻花生牛肉 ($280)
個名好有意境，擺碟亦都好靚🤣碟邊放咗各種材料，可以將生牛肉隨喜好撈埋一齊，我自己就鍾意咩都唔撈就咁食😆第一次食生牛肉係配炸咗嘅紫菜，紫菜好脆牛肉又軟嫩，加埋一齊又幾特別
▫️海鮮煎餅($215)
外層煎炸至金黃酥脆，海鮮份量好多，最驚艷係上面放咗好多魚乾仔，令成個煎餅都充滿鮮味🤤
▫️韓牛大蔥卷配泡菜炒飯 ($880)
店員會係我哋面前即煎，一路煎已經香氣四溢。牛味香濃，肉質嫩滑，韓牛充滿油脂，配埋清爽嘅大蔥啱啱好，可以中和牛肉嘅油膩感得嚟又唔會搶咗牛嘅香味。泡菜炒飯加入韓牛碎一齊炒，酸酸辣辣好惹味。
▫️海膽牛肉魚籽釜飯 ($295)
無留意韓牛大蔥卷已經配咗炒飯，又叫咗個釜飯🙈口感豐富，牛肉軟淋，混合埋海膽同魚籽，鮮味濃郁，未食個飯之前已經飽咗8成都覺得佢好食🤣
▫️Snowing Night ($118)
用上Seosul Cheongju呢款韓國清酒作為基底，杯邊有少少鹽巴，帶岀橙同青檸嘅酸甜果味，酒味唔重。
▫️The Night Begins ($108)
呢款就用燒酒、青檸汁、菠蘿汁同蘋果醋調配而成，酒味比Snowing Night重少少，但都係女仔接受到嘅範圍內😝
張貼
