影片
更多
2024-10-18
220 瀏覽
今日同朋友喺附近happy hour，然後見到呢間主打Omakasae嘅丼飯日式餐廳就諗住試試佢佢係喺中環威靈頓街嘅地庫，今日平日入到去都坐滿咗三分之二見到佢主打係丼飯，我同朋友一人嗌咗一個trytry佢😋✨前菜沙律 &茶碗蒸🥗呢款沙律前菜份量十足，唔單止有滿滿嘅椰菜絲，仲有日本產嘅甜粟米，配搭清新。而茶碗蒸都十分之出色，滿滿嘅食材同埋口感好嫩滑！✨海言廚師發辦魚生飯-特上🐠身為魚生愛好者嘅我，聽到係廚師發辦即刻心心眼呢款丼飯唔單止用咗時令嘅魚生，新鮮得嚟，外觀亦都十分精緻。當中包括大拖羅、海膽、魚子、油甘魚、梭子魚、鯛魚等等嘅上乘魚生，唔好睇佢好似細細碗咁，佢一碗就集結咗當下最新鮮同高質嘅魚生。當中最有驚喜嘅就係火炙梳子魚，因為燒過嘅關係，魚身本身嘅油脂迫晒出嚟，每一啖都充滿住魚香，真係好好食！✨江戶前散壽司（特上）🐠朋友食嘅一款丼飯用嘅魚生款式有七成都相近，不過因為係江戶前嘅款式，所以就額外搭配咗腐皮同埋玉子。店員更加介紹話要由海膽開始食起，順時針咁食，由最鮮味嘅海膽同三文魚子一路食到去比較濃味同最多油脂嘅魚生。的確跟住店員嘅呢個順序去食，每款魚生嘅味道更加昇華咗。再配埋佢有別於一
就諗住試試佢
佢係喺中環威靈頓街嘅地庫，今日平日入到去都坐滿咗三分之二
見到佢主打係丼飯，我同朋友一人嗌咗一個trytry佢😋
✨前菜沙律 &茶碗蒸🥗
呢款沙律前菜份量十足，唔單止有滿滿嘅椰菜絲，仲有日本產嘅甜粟米，配搭清新。
而茶碗蒸都十分之出色，滿滿嘅食材同埋口感好嫩滑！
✨海言廚師發辦魚生飯-特上🐠
身為魚生愛好者嘅我，聽到係廚師發辦即刻心心眼
呢款丼飯唔單止用咗時令嘅魚生，新鮮得嚟，外觀亦都十分精緻。
當中包括大拖羅、海膽、魚子、油甘魚、梭子魚、鯛魚等等嘅上乘魚生，唔好睇佢好似細細碗咁，佢一碗就集結咗當下最新鮮同高質嘅魚生。
當中最有驚喜嘅就係火炙梳子魚，因為燒過嘅關係，魚身本身嘅油脂迫晒出嚟，每一啖都充滿住魚香，真係好好食！
✨江戶前散壽司（特上）🐠
朋友食嘅一款丼飯用嘅魚生款式有七成都相近，不過因為係江戶前嘅款式，所以就額外搭配咗腐皮同埋玉子。
店員更加介紹話要由海膽開始食起，順時針咁食，由最鮮味嘅海膽同三文魚子一路食到去比較濃味同最多油脂嘅魚生。的確跟住店員嘅呢個順序去食，每款魚生嘅味道更加昇華咗。再配埋佢有別於一般嘅醋飯，呢款丼飯嘅飯加入咗漬物嘅元素，混合住芝麻、醋漬，有更加多層次嘅口感。
最後仲有櫻花蝦湯作結尾，淡淡嘅蝦味配上呢個麵豉湯，暖暖個胃，真係好滿足😋
張貼
