影片
更多
2022-08-12
167 瀏覽
朋友生日，做足功課，地點就腳，提早幾星期前book好位，俾個驚喜佢☺️記得提早少少去到現場，真係座無虛席。Omakase Lunch set 咲 $1080有前菜，刺身，壽司，茶碗蒸，湯同甜品。其中有幾款要贊下！😊😊呑拿魚醬油漬壽司，就好似熟成片呑拿魚咁，之前食過一間好鹹，就唔開名啦，不過呢度食嘅，食落不但鹹味適中，仲將鮮味鎖係肉質入面，師傅處理得好好，無浪費到心機。喜之次，鍾意食深海魚嘅朋友都應該有聽過，因為條魚油脂好豐富同唔係成日有貨，今次師傅用炙燒迫出油脂，有香氣得黎，入口香噴噴，口腔充斥住魚油香。岩手縣廣田灣生蠔🦪，好華麗，新鮮，席前上嗰時，隻蠔邊仲微微收縮，蠔身都厚肉，食落淡淡海水味，比較爽口，同其他蠔比，佢係食清甜味。煎帶子，估唔到食到中段，會出帶子，半生熟煎香，底落咗薄荷調製嘅醬汁，配搭上，以帶子作為過渡後上壽司係幾有趣。So far黎講，食得滿足，以呢個價位，可稱高水準！👍🏻👍🏻👍🏻
Omakase Lunch set 咲 $1080
有前菜，刺身，壽司，茶碗蒸，湯同甜品。其中有幾款要贊下！😊😊
呑拿魚醬油漬壽司，就好似熟成片呑拿魚咁，之前食過一間好鹹，就唔開名啦，不過呢度食嘅，食落不但鹹味適中，仲將鮮味鎖係肉質入面，師傅處理得好好，無浪費到心機。
喜之次，鍾意食深海魚嘅朋友都應該有聽過，因為條魚油脂好豐富同唔係成日有貨，今次師傅用炙燒迫出油脂，有香氣得黎，入口香噴噴，口腔充斥住魚油香。
岩手縣廣田灣生蠔🦪，好華麗，新鮮，席前上嗰時，隻蠔邊仲微微收縮，蠔身都厚肉，食落淡淡海水味，比較爽口，同其他蠔比，佢係食清甜味。
煎帶子，估唔到食到中段，會出帶子，半生熟煎香，底落咗薄荷調製嘅醬汁，配搭上，以帶子作為過渡後上壽司係幾有趣。
So far黎講，食得滿足，以呢個價位，可稱高水準！👍🏻👍🏻👍🏻
張貼
