滿福庭

營業中

休息中

放假就約媽咪到觀塘APM商場飲完茶再行街，我哋就選擇咗去到鱷魚恤中心7樓福滿庭飲午茶，喜歡這裏環境寬敞坐得好舒服，點心質素不錯。餐紙上有午市特價點心及炒粉麵。豉椒排骨炒河豉椒的味道香噴噴，河粉炒得好有鑊氣，每一條都掛上醬汁，排骨啖啖肉好入味。古法馬拉糕馬拉糕即叫即蒸，入口好鬆軟，不會過甜。鮑汁炆雞腳一鍋大約有五至七隻，炆得好淋，入口骨肉分離，一隻接一隻食唔停口，花生都好入味。鮮蝦菜苗餃一籠有三隻，餃皮好薄肉眼都見到餡料，蝦肉鮮甜爽脆，蔬菜嫩嫩綠綠，加入小小辣椒醬一齊食味道更加豐富。