影片
更多
2019-08-02
886 瀏覽
上兩星期同韓國朋友一齊食晚飯，聽講韓國人就算去到異地，都係中意食返自己家鄉既味道。於是我就想帶佢去食地道既韓國菜，因為燒肉之前冇幾耐先食過，所以今次去左一間食傳統韓國菜既地方🐥 餐廳入面既牆壁素淨，充滿地道既韓國風格。韓國既餐廳都好中意用呢類材質做背景，佢地認為咁樣睇落更優雅，更有高級餐廳既氣息～ 另外餐廳佔地都幾大，可以坐好多人。佢地既menu都整得好靚好吸引，韓式烤肉絕對係重點！佢啲肉類既價錢唔算好貴，每一道菜都好吸引，而且款式種類好多 😋 除左烤肉之外，仲有其他韓國小菜，倒如拌飯、水冷麵、魚糕、炒年糕、豆腐湯等等～ 佢地由裝潢同餐具，以至所有設備，都係韓式用具，仲有埋飯前必備既小菜，例如惹味泡菜、芽菜，腌蘿蔔、洋蔥等等，金羅寶仲有大量韓式紫菜提供😍🥙 另外仲有兩種醬料 一種係韓式風味既豉油，另一種係韓式豆瓣醬 😋一共八道小菜，真係每人大開眼界！我個人最中意韓式烤紫菜、泡菜、涼拌海帶同埋辣辣既生醃魷魚🦑！我平時都中意泡菜拌飯食，而韓式紫菜係我平日最愛既零食！😍😍海鮮煎蔥餅 $148呢個海鮮煎餅好高質！海鮮份量十足，種類豐富， 有大量魷魚🦑、鮮蝦同辣椒🌶️，好香好鮮味～ 以前喺韓國成日
餐廳入面既牆壁素淨，充滿地道既韓國風格。韓國既餐廳都好中意用呢類材質做背景，佢地認為咁樣睇落更優雅，更有高級餐廳既氣息～ 另外餐廳佔地都幾大，可以坐好多人。
佢地既menu都整得好靚好吸引，韓式烤肉絕對係重點！佢啲肉類既價錢唔算好貴，每一道菜都好吸引，而且款式種類好多 😋 除左烤肉之外，仲有其他韓國小菜，倒如拌飯、水冷麵、魚糕、炒年糕、豆腐湯等等～
佢地由裝潢同餐具，以至所有設備，都係韓式用具，仲有埋飯前必備既小菜，例如惹味泡菜、芽菜，腌蘿蔔、洋蔥等等，金羅寶仲有大量韓式紫菜提供😍🥙 另外仲有兩種醬料 一種係韓式風味既豉油，另一種係韓式豆瓣醬 😋
一共八道小菜，真係每人大開眼界！我個人最中意韓式烤紫菜、泡菜、涼拌海帶同埋辣辣既生醃魷魚🦑！
我平時都中意泡菜拌飯食，而韓式紫菜係我平日最愛既零食！😍😍
海鮮煎蔥餅 $148
呢個海鮮煎餅好高質！海鮮份量十足，種類豐富， 有大量魷魚🦑、鮮蝦同辣椒🌶️，好香好鮮味～ 以前喺韓國成日會同朋友飲米酒配海鮮煎餅，然後傾計傾足幾個鐘～呢個海鮮煎餅同韓國既煎餅相比，真係平分秋色，韓國既較薄，而呢個就更多海鮮～
最可惜既係，我地眼闊肚窄，最食唔曬，又唔好意思打包，所以有幾片煎餅靜靜咁躺於煎板上 🥺🍕
牛骨紹菜豆醬湯 $145
牛骨紹菜豆醬湯好地道，無論係賣相定味道，都同韓國食到既豆醬湯非常相似～其實要煮好味既牛骨湯有一定既難度，一黎牛骨必須到傳統市場採購，咁先可以確保牛骨既品質上盛，二黎製作牛骨湯需要花上好幾個小時熬煮。
牛骨大醬湯味道濃郁，入面有韓國菜常用既蔬菜，包括薯仔、高麗菜、金針菇、洋蔥、青蔥、辣椒同豆腐等等，並加入適量既大醬同埋辣椒醬～
值得一提既係，牛骨既鮮嫩口感非常迷人，而且牛肉味道濃郁，每一啖都係一大滿足～ 🐮🍖大家黎到金羅保，真係要試下佢既牛骨湯～
韓式豬什湯 $138
雖然餐牌上寫住豬什湯，但其實多數人都會叫佢做米腸。米腸係韓國既傳統街邊小食，雖然佢叫米腸，但佢並唔係用米做既。傳統韓國米腸係將紅薯粉條切碎，然後灌入洗乾淨既豬大腸裏入面，再將佢切粒。呢種紅薯粉條做既米腸係最常見既一種米腸。
韓國朋友話韓國人食米腸個陣，一般都會蘸鹽食，鹽裏面會加啲胡椒同辣椒麪。不過佢更中意加入泡菜蘿蔔，更加惹味～
我地本身都好中意食米腸湯，因為米腸除左口感豐富之外，味道都好獨特，完全唔係平時香港街頭小食個啲內臟、豬什味，呢個米腸湯帶點辛辣味，絕對會食上癮！
所有菜式到齊之後，我就為佢地黎左一個大合照！無論係餐具、伴碟定擺設，都同韓國當地既餐廳無異，非常正宗，香氣四溢，令人垂涎三尺 😋最後埋單每人二百幾蚊，呢個價錢合理，因為野食既份量真係好多～ 而且店員都好親切，食物質素真心好高，係香港少有既高質韓國餐廳，好推介俾大家，希望遲啲再黎食過啦！😚
張貼
