Takka Fusion Japanese Cuisine (已結業)

今年第 5 個船河，跟小慧姐去玩先。早年已經黎過 Takka 架喇，壽司、刺生同烏冬都好有水準，最出名係用粉紅色米紙做壽司。以前都試過 order 豪華到會上船，真係好好食，但好貴喎。上個月經過見到依家做埋早餐，見今日仲有時間，專登黎試試。仲以為有即食麵添，原來係日式、西式、拉麵同烏冬。真係好耐無黎，掛住美味原條活魚刺生呢！鍾意依度坐得舒服，唔會好似茶餐廳咁迫迫夾夾、嘈喧巴閉、跑上跑落。重有大把時間，我可以慢慢嘆個早餐。幸運地唔洗等位，嘆杯凍齋啡先。叉燒拉麵走蔥，少有地食個日式早餐先，專程過黎試一試。嘩，有驚喜！個鰹魚湯底調得不錯，超級清甜又唔咸，清徹見底，質數極高，不膩不滯，湯底就係靈魂所在，利害﹗即食拉麵也不俗，質感滑溜有咬口，雖然不是手打嚥嚥韌韌。叉燒略瘦，似港叉多過日叉，都算合格。粟米粒飽滿甜美多汁，襯上拉麵好味道。炒蛋照燒牛扒湯烏冬，又老又凍一篤炒蛋，又咸又凍照燒牛扒！預我會浸落碗熱湯度翻熱？鰹魚湯烏冬，簡單中帶出美味可口，都唔錯。炒蛋照燒雞扒湯烏冬，雞扒味道唔差，係咸左少少，可以接受。炒蛋半炒半焗，下半實淨、上半嫩滑香甜。湯烏冬正，熱辣辣滑溜嚥韌。微暖厚多士，求其掉一小劈牛