雞吧

營業中

休息中

星期六下午12:40左右嚟到，小店啱啱開門無耐，而且得一位職員，見佢騰嚟騰去，外賣APP又不停響，非常之忙，但佢依然態度友善。餐廳係開放式廚房，我地全程望住職員做野，夠哂安心。自己第一次嚟京瑞廣場，目標係試哂心水嘅7間餐廳😆，所以我地一行4人，只點左個二人餐$159😏。兩款口味共10件炸雞，全部都係即叫即炸，揀左韓式甜辣拼雪山芝士，前者一啲都唔辣，不過勝在撈完個汁後，炸皮依然脆；後者係臭臭的車打芝士粉，味道正常。10件炸雞裡面有四件係雞翼，其他係無骨雞件，唔會炸到乾爭爭，食落都仲有肉汁。芋泥丸拼地瓜球原來兩款都有內餡，芋泥丸包嘅係流沙奶黃、地瓜包嘅係芋泥，我地一致認為芋丸好味D🤤。雞肉卡巴原來卡巴係以墨西哥餅皮包住大量嘅生菜、適量嘅雞肉粒、配埋千島汁，食落就似食緊個沙律😏 減少食炸雞嘅罪惡感呢個二人餐份量真係幾多，細食嘅朋友，分分鐘可以再食多餐😆。雖然味道一般，但性價比幾高，糧尾之選。