影片
更多
2021-05-03
855 瀏覽
糯米包對我來講絕對是回憶 ⋯⋯係父親與我至愛嘅飲茶點心，可以唔食蝦餃，可以冇叉燒包，但一定一定要食糯米包。 後來只有一，兩間「美x」集團食肆有，但近幾年都已經冇做了。見到電視介紹呢間懷舊點心鋪，當中出現了我的至愛，馬上跑去外賣再與家人分享😚糯米包糯米飯與臘味粒比例好好，炒得香口入味，有花生，蝦米及蔥粒 ，絕對無敵 👍🏼👍🏼👍🏼乾蒸牛肉一向都喜歡乾蒸牛肉多過山竹牛肉，可能又是童年的情意結，因為兒時同父親母親一起飲茶的老店只有乾蒸牛肉，久而久之也漸漸愛上了，係回憶。蝦餃有筍尖，小小肥肉加上蝦，係懷舊味道嘅蝦餃，不是現今一般只係有蝦，冇其他嘢嘅蝦餃 😋燒賣紮實有咬口但同時也彈口，原因亦是因為燒賣裏面有肥豬肉，所以餡料不會乾，有油潤，令肉更滑溜，味道材料同樣豐富。菜苗餃同蝦餃一樣皮薄餡多，菜同蝦嘅份量各半，調味準確，好味道。流沙奶皇包非一般的流沙包，由於奶黃加上鹹蛋黃，流沙甜味中有天然鹹香味，沒有坊間的奶皇包咁死甜及肥膩，而且餡料飽滿，絕無偷工減料 😋講明呢度係間懷舊老店，不要期望窗明几淨，有高級餐具，美輪美奐的裝修或者米芝蓮級的招呼。由員工至大部份客，多是上了年紀的人，外賣期間見到其實員工好
係父親與我至愛嘅飲茶點心，可以唔食蝦餃，可以冇叉燒包，但一定一定要食糯米包。 後來只有一，兩間「美x」集團食肆有，但近幾年都已經冇做了。
見到電視介紹呢間懷舊點心鋪，當中出現了我的至愛，馬上跑去外賣再與家人分享😚
糯米包
糯米飯與臘味粒比例好好，炒得香口入味，有花生，蝦米及蔥粒 ，絕對無敵 👍🏼👍🏼👍🏼
乾蒸牛肉
一向都喜歡乾蒸牛肉多過山竹牛肉，可能又是童年的情意結，因為兒時同父親母親一起飲茶的老店只有乾蒸牛肉，久而久之也漸漸愛上了，係回憶。
蝦餃
有筍尖，小小肥肉加上蝦，係懷舊味道嘅蝦餃，不是現今一般只係有蝦，冇其他嘢嘅蝦餃 😋
燒賣
紮實有咬口但同時也彈口，原因亦是因為燒賣裏面有肥豬肉，所以餡料不會乾，有油潤，令肉更滑溜，味道材料同樣豐富。
菜苗餃
同蝦餃一樣皮薄餡多，菜同蝦嘅份量各半，調味準確，好味道。
流沙奶皇包
非一般的流沙包，由於奶黃加上鹹蛋黃，流沙甜味中有天然鹹香味，沒有坊間的奶皇包咁死甜及肥膩，而且餡料飽滿，絕無偷工減料 😋
講明呢度係間懷舊老店，不要期望窗明几淨，有高級餐具，美輪美奐的裝修或者米芝蓮級的招呼。
由員工至大部份客，多是上了年紀的人，外賣期間見到其實員工好禮貌，客客氣氣，D樓面姐姐見到老人家等位，會先俾張凳佢一邊坐一邊等，呢啲就係關愛。
店舖雖然細小，外賣堂食界限模糊，只要你肯問，樓面姐姐會回答你，每個外賣客人都會細心等候，唔會插隊，舊區小店嘅人情味道 👍🏼👍🏼
張貼
