豆漿大王

營業中

休息中

食過無數次嘅豆漿大王，第一次為佢寫篇食評。講咗無數次就當然覺得佢好食先食。每次去開新蒲崗做嘢都會過去幫襯下。餐廳環境光明簡潔，沒太多多餘裝飾，實而不華。而座位算多但間隔較窄。用餐時間係平日中午十二點幾。餐廳已經開始要排隊，外賣單亦非常多。最後等咗大約十分鐘終於有位，尚算可以唔係等好耐。脆香雞扒麵⁴²雞扒炸得金黃香脆，肉質嫩滑。麵身軟硬適中，榨菜質地脆嫩，食落鹹鹹地酸酸地非常開胃。咸粢飯¹⁸香軟嘅糯米、自家制炸菜、香口嘅肉鬆，加埋我最愛嘅即炸油炸鬼，味道夠正宗，真係非常美味，係我食過最好食嘅粢飯。豆漿⁹豆味香濃，配粢飯一流。