天天海南雞飯 (ELEMENTS圓方)

營業中

休息中

星期三晚同男朋友係佢公司附近既圓方食晚飯，餐廳選擇唔多，最終我地入左去天天海南雞飯食。呢間天天海南雞飯唔同新加坡個間係food court到，呢間係一間餐廳，裝修得好有氣派。去天天海南雞飯一定必食海南雞飯，我地就梗係有叫啦，另外仲叫左雞油飯、肉骨茶、小籠包同豆腐花。天天文昌雞有三種醬料：薑蓉、辣椒醬、黑醬油，另外仲有一壺雞汁。雞有半隻，肉質嫩滑，雞皮都好食，果然係名物。雞油飯(細)38 我覺得好好食，油飯好香口，口感係我鍾意既硬硬地既飯。古法骨茶除左有排骨，仲有豬肚、豆卜、腐竹，排骨肉質軟腍，湯有胡椒味但又唔會過濃，岩岩好，而且侍應會幫你加湯，好正。原味小籠包有支裝住醋既管仔，加入湯汁到都幾夾，唔錯。黑松露小籠包唔單止塊皮，連啲肉都有黑松露味。花好月圓係原味豆腐花，但又同食開既唔同，十分水潤，入口即化，好重豆漿味，有驚喜，好味。