影片
更多
2017-08-01
5946 瀏覽
見有報導介紹灣仔有間四川私房菜，即刻吹雞call齊辣腳去試下!餐廳位於灣仔廈門街一座商廈1樓，地點方便唔難揾。餐廳以會所為名，私房菜形式經營。注意只收現金!裝修企理整潔，眼見有約十張枱，有三四張大圓枱，有幾枱都係一大班人嚟開餐。呢度收費以人頭計，每位hkd 268 ，我哋今晚4個人可以叫3個涼菜4個熱菜仲送多個青菜!老早喺個多星期前已上openrice睇定有乜好食!推介嘅有水煮魚，青椒皮蛋，川式椒鹽蝦，四川涼麵……等。再睇下餐牌，其實同網上見到嘅都一樣，所以大致上都決定咗食d乜!不過有一個辣友唔食內臓，所以好多肚絲，腸類都一律冇叫。青椒皮蛋呢個係好多人推介為必食嘅，皮蛋流心，味道都算唔錯!但份量少咗d，呢度拼埋好似冇一隻皮蛋咁。蒜泥白肉呢個無乜驚喜，坦白講譚仔好食過佢!蒜又冇乜，肉片每人得一塊多d，下面墊底牙菜都唔算多。巴渝口水鷄味道一般唔特別，普通食川菜嘅地方都做得比佢好味!川式椒鹽蝦我唔係好明點解d人推介呢個菜式!定係咁啱我哋咁好彩中伏鳥?!賣相係幾特别，有d爆炸形蝦片伴碟，但蝦係唔熱嘅好明顯預早炸定，蝦肉係冇味嘅，連蝦殼都只得少少椒鹽味!我真心覺得對唔住同行辣友，因為呢個菜係我點
餐廳以會所為名，私房菜形式經營。注意只收現金!
裝修企理整潔，眼見有約十張枱，有三四張大圓枱，有幾枱都係一大班人嚟開餐。
呢度收費以人頭計，每位hkd 268 ，我哋今晚4個人可以叫3個涼菜4個熱菜仲送多個青菜!老早喺個多星期前已上openrice睇定有乜好食!推介嘅有水煮魚，青椒皮蛋，川式椒鹽蝦，四川涼麵……等。再睇下餐牌，其實同網上見到嘅都一樣，所以大致上都決定咗食d乜!不過有一個辣友唔食內臓，所以好多肚絲，腸類都一律冇叫。
青椒皮蛋
呢個係好多人推介為必食嘅，皮蛋流心，味道都算唔錯!但份量少咗d，呢度拼埋好似冇一隻皮蛋咁。
133 瀏覽
0 讚好
0 留言
蒜泥白肉
呢個無乜驚喜，坦白講譚仔好食過佢!蒜又冇乜，肉片每人得一塊多d，下面墊底牙菜都唔算多。
89 瀏覽
0 讚好
0 留言
巴渝口水鷄
味道一般唔特別，普通食川菜嘅地方都做得比佢好味!
96 瀏覽
0 讚好
0 留言
川式椒鹽蝦
我唔係好明點解d人推介呢個菜式!定係咁啱我哋咁好彩中伏鳥?!賣相係幾特别，有d爆炸形蝦片伴碟，但蝦係唔熱嘅好明顯預早炸定，蝦肉係冇味嘅，連蝦殼都只得少少椒鹽味!我真心覺得對唔住同行辣友，因為呢個菜係我點嘅!最後辣友覺得用蝦片點水煮辣汁仲好食過隻蝦!希望餐廳檢討下~~
62 瀏覽
0 讚好
0 留言
水煮牛肉
明明話呢度招牌菜係水煮魚，點解最後我哋會叫咗水煮牛肉呢?!問題就係……佢正確菜名應該係水煮魚柳，因為當我哋想確定下係咩魚之際，佢竟然答我哋~~~龍利柳! oh my god!!!仲同我哋講如果想要原條魚，要預早一日order! *要加錢~我堅接受唔到去私房菜食水煮急凍魚柳，完全錯晒!
講返個水煮牛，由於本人唔食牛，所以牛肉我不作評論。而佢個水煮本身係可以嘅，麻同辣適中，d汁辣友除咗用嚟點蝦片仲攞嚟撈飯。底下嘅薯粉入晒味，好好味!薯粉食晒可以再加，我哋加左兩次，第二次佢煮得太淋!
52 瀏覽
2 讚好
0 留言
泡椒肉片
酸酸辣辣味道都係一般貨式，辣友們第一次咬泡辣，好鬼鹹!
43 瀏覽
0 讚好
0 留言
虎皮尖椒
佢個汁做得唔錯，尖椒連籽食嘅話有辣味!幾好!
80 瀏覽
0 讚好
0 留言
手撕包菜
呢碟送嘅，係等得耐d，我哋差唔多食晒都未嚟!當我哋問係咪有碟菜嘅時候，佢竟然答"未到我哋"，都幾攪笑!
39 瀏覽
0 讚好
0 留言
總結：唔會有下次，因為收費唔算平，菜式唔算特別好味，應該有其他食辣嘅餐廳好過佢。
張貼
