Burger Begin (已結業)

今日又出動去紅磡搵食～ 呢間餐廳主打平民漢堡，最平$48就有交易！ 我地嗰日下晝黎到，就見店員喺店同食客講解有咩推薦～ 最後聽完介紹我同朋友就決定叫兩個漢堡，一熱狗同小食～黃金漢堡：黃金漢堡嘅賣點係佢哋用左自家咸蛋黃醬，咸蛋黃味道未算好濃，但有起沙感，兩者加埋幾夾，令人一食上癮！皇牌鵝肝漢堡：叫得皇牌我勁期待！出黎都總算無令我失望，佢哋嘅鵝肝真材實料，煎完出嚟都係超厚身，口感軟嫩，油脂滿滿，再加埋安格斯嘅牛肉漢堡，充滿肉汁，牛味極濃，令到漢堡嘅口感味道都昇華不少～～～～芝士辣肉醬熱狗：辣肉醬好惹味，加埋表面灑滿芝士，味道變得更加豐富～唐揚魷魚配秘製辣香草茄汁：呢度廚師係嚟自洲際酒店嘅日式餐廳，所以佢啲醬汁都係自家製，同埋唐揚算係佢本身嘅拿手好戲，果然魷魚即叫即整，魷魚外面卜卜脆，咬落彈牙兼爽口，加埋辣辣地嘅醬汁，變得更加惹味。