那杯早餐紅茶 (已搬遷) 新店位置

紅磡新開左間飲品店，今日黎到紅磡就決定去試下。不過間舖得一個店員，我去到嘅時候店員就沖緊前一個客人嘅嘢飲，但係只係一杯佢都沖咗好耐，所以我都等咗好耐先可以落單同埋有嘢飲。依間飲品店既飲品有別於平時果啲，啲茶底比較特別，又有得自選配搭。但係有時自選都唔知揀咩好，今次就試左店舖推薦既晨光白蘭奶茶凍。原價$30，唔知係唔係因為新開張，最後$20就買到。一飲落去就覺得奶味比茶味重，但係又唔會蓋過咗啲茶味，飲落有淡淡的茶香味，入邊仲有啲啫喱，不過啲啫喱比較大舊，有少少難吸，有時一飲就成舊吸咗入口，如果啫喱可以細舊返少少會好啲。