影片
更多
2022-09-19
211 瀏覽
今次介紹一間位於紅磡性價比超高嘅拉麵！Weekend Lunch Set $138 已經有齊三款一品料理、一份麵、兩款串物及一份飲品～ 平日嘅lunch set好似仲會平少少🤏-🎈一品料理落單後無耐好快就上左前菜，就咁睇menu上嘅名已經覺得好特別好有誠意！配搭同味道上稱唔上好好食，但真係好得意好特別🤔👉雞肝多士多士烤脆，旁邊放一碟雞肝醬。灰色望落唔算太討好，但食落又無想像中咁重内臟腥味。推薦指數: 7/10👉枝豆春卷呢一款春卷就真係一條春卷入面包住粒粒分明的枝豆，旁邊配枝豆醬。春卷炸得夠脆，雖然都好食，不過我自己都係中意食有肉嘅春卷😹推薦指數: 7/10👉麦粒味噌青瓜青瓜本來就無咩味道，主要靠撈咗味噌嘅麦粒作為主角。咸咸香香嘅味道係越食越上癮！推薦指數: 7.5/10-🎈串物串物主要分咗串燒同串揚，串燒即係燒出嚟嘅串燒（廢話😹），串揚就係炸串啦！👉海鰻燒串燒 (+$4) 呢一款加咗少少花椒所以輕微有少少麻麻哋嘅口感，不過就唔辣的～ 魚皮微微燒脆，味道唔錯😋推薦指數: 7.5/10👉葡提鴨卷串燒鴨肉切成片，中間包住提子。咬開嘅時候中間提子會有少少汁，都幾得意👌推薦指數: 7/10👉蟹肉
今次介紹一間位於紅磡性價比超高嘅拉麵！Weekend Lunch Set $138 已經有齊三款一品料理、一份麵、兩款串物及一份飲品～ 平日嘅lunch set好似仲會平少少🤏
-
🎈一品料理
落單後無耐好快就上左前菜，就咁睇menu上嘅名已經覺得好特別好有誠意！配搭同味道上稱唔上好好食，但真係好得意好特別🤔
👉雞肝多士
多士烤脆，旁邊放一碟雞肝醬。灰色望落唔算太討好，但食落又無想像中咁重内臟腥味。
推薦指數: 7/10
👉枝豆春卷
呢一款春卷就真係一條春卷入面包住粒粒分明的枝豆，旁邊配枝豆醬。春卷炸得夠脆，雖然都好食，不過我自己都係中意食有肉嘅春卷😹
推薦指數: 7/10
👉麦粒味噌青瓜
青瓜本來就無咩味道，主要靠撈咗味噌嘅麦粒作為主角。咸咸香香嘅味道係越食越上癮！
推薦指數: 7.5/10
-
🎈串物
串物主要分咗串燒同串揚，串燒即係燒出嚟嘅串燒（廢話😹），串揚就係炸串啦！
👉海鰻燒串燒 (+$4)
呢一款加咗少少花椒所以輕微有少少麻麻哋嘅口感，不過就唔辣的～ 魚皮微微燒脆，味道唔錯😋
推薦指數: 7.5/10
👉葡提鴨卷串燒
鴨肉切成片，中間包住提子。咬開嘅時候中間提子會有少少汁，都幾得意👌
推薦指數: 7/10
👉蟹肉牡蠣串揚 (+$2)
呢一款串揚都係好多人叫嘅人氣產品，面頭有滿滿嘅蟹肉，下面就係炸蠔。兩樣加埋一齊好有鮮味！
推薦指數: 7.5/10
👉生蒜牛柳串揚
中意食蒜的話呢一款一定係必點，蒜味超濃超好吃！！！炸粉夠薄夠脆，唔係仲有個麵一定會encore！！！
推薦指數: 8/10
-
🎈麵食
麵食有六款選擇，有齊拌麵、湯麵同冷麵！
👉虎蝦濃湯麵 (+$50)
呢個都係超多人點的拉麵，因為佢隻虎蝦真係好出色！與其話佢係湯麵，湯底嘅濃郁程度更加似沾麵。食第一啖會覺得好正，食多咗就會覺得有少少膩，唔係超肚餓未必食得哂。而主角虎蝦除咗好大隻之外，表面嘅炸粉仲沾滿咗櫻花蝦！
爽口彈牙嘅蝦肉加上香脆嘅炸粉同櫻花蝦真係好食到暈，絕對係誠意之作😤推薦指數: 9/10
-
👉本格撈麵
第一啖食落無蝦麵咁吸引，但佢屬於越食越上癮！因為呢一款撈麵味道係酸酸哋，所以食多咗都唔會覺得太膩。雖然佢賣相比較普通，但好食嘅程度不亞於蝦麵。份量十足之餘配料都好豐富，有超多肉碎、紫菜、木魚絲、生蛋黃同海量葱。
推薦指數: 9/10
-
🎈飲品
👉午後檸檬茶
其實火夫飲品選擇都係普通茶類同汽水，但都想特別介紹一下檸檬茶。可能佢都知自己嘅麵食比較重口味，所以檸檬茶係會比較清淡少少的。食完拉麵飲真係剛剛好，好冰涼清爽！
推薦指數: 7/10
-
🎀總括而言🎀
👉食物：整體都好高質，性價比非常高
👉服務：見到staff 都係比較忙，不過服務上都不過不失
👉環境：裝修好有日式居酒屋style，店面唔算大，座位會有少少逼
推薦指數: 8.5/10
-
🎀其他小資訊🎀
👉訂位：我哋當日weekend 12點打去book位都book到，去到發現full house, 好彩有預先打電話book！
👉泊車：有消費泊車優惠✅
👉信用卡優惠：🈚
張貼
