影片
更多
2022-01-31
747 瀏覽
之前經過好多次呢個藍牆紅色門嘅門口，真係唔知佢係一間印度餐廳… 根本睇唔出佢係一間餐廳… 今次有朋友帶我食好西先有機會入去。入左門口就落樓梯，真係有種別有洞天嘅感覺，裝飾、枱櫈、餐具都有濃厚嘅異國風情！剩係去打卡都抵！一齊睇下個Set Lunch 有咩食啦！PANI PURI WITH JAL-JEERA呢個貌似山根嘅炸麵粉波波入面有啲薯仔，鷹嘴豆同香料，食之前淋啲酸到盲公開眼嘅汁落去，一啖一個，好開胃！上枱之後盡快食啦，山根個底淋左之後唔好食！ALOO TIKKI CHAAT & TANDOORI CHICKEN SALAD薯餅上面有啲鷹嘴豆同紅石榴粒粒，好咬又好香，不過個醬入面有好酸嘅羅望籽醬，我要抿走哂啲汁先食到個薯餅… 個沙律就正正常常地酸啦😂😂😂😂食左3個頭盤之後… 我開始酸到懷疑人生… 好彩之後嘅主菜開始啱我口味！PINK SALT SALMON 兩舊好香印度味嘅烤三文魚。7成熟，入面仲有啲生生地，呢個熟度可以話perfect 池！， 表面焦香、入邊又有水分，配埋啲香料，好食！ TANDOOR GOBI 想食啲菜，見到又有烤西蘭花，所以就揀左佢啦！估唔到佢係一個驚喜！雖然佢
PANI PURI WITH JAL-JEERA
19 瀏覽
0 讚好
0 留言
PANI PURI WITH JAL-JEERA
呢個貌似山根嘅炸麵粉波波入面有啲薯仔，鷹嘴豆同香料，食之前淋啲酸到盲公開眼嘅汁落去，一啖一個，好開胃！上枱之後盡快食啦，山根個底淋左之後唔好食！
ALOO TIKKI CHAAT
19 瀏覽
0 讚好
0 留言
ALOO TIKKI CHAAT & TANDOORI CHICKEN SALAD
薯餅上面有啲鷹嘴豆同紅石榴粒粒，好咬又好香，不過個醬入面有好酸嘅羅望籽醬，我要抿走哂啲汁先食到個薯餅…
個沙律就正正常常地酸啦😂😂😂😂
食左3個頭盤之後… 我開始酸到懷疑人生… 好彩之後嘅主菜開始啱我口味！
PINK SALT SALMON
19 瀏覽
0 讚好
0 留言
PINK SALT SALMON
兩舊好香印度味嘅烤三文魚。7成熟，入面仲有啲生生地，呢個熟度可以話perfect 池！， 表面焦香、入邊又有水分，配埋啲香料，好食！
TANDOOR GOBI
29 瀏覽
0 讚好
0 留言
TANDOOR GOBI
想食啲菜，見到又有烤西蘭花，所以就揀左佢啦！估唔到佢係一個驚喜！雖然佢個樣好燶，但其實佢有一顆多汁嘅內心。個醬有啲辣，但點左佢之後，清新嘅小花變身成為火辣辣嘅性感小花😂😂😂😂
OLD DELHI BUTTER CHICKEN
23 瀏覽
0 讚好
0 留言
OLD DELHI BUTTER CHICKEN
食印度野又點可以唔叫番個咖喱食下呢！呢個牛油雞甜味比較重而且唔辣，濃度啱啱好，點Naan 一流！不過啲雞有啲柴，但係又有乜所謂… 個汁好食就得啦！
NAAN
26 瀏覽
0 讚好
0 留言
NAAN 🫓
有冇人同我一樣，食印度野就係為左食Naan 架🙋🏻♀️🙋🏻 我真係好鍾意食呢塊餅！個餅新鮮焗起，邊邊脆脆地，個餅就軟得黎好煙韌，就咁食都可以拍1塊！我地揀左蒜味同牛油味。蒜味Naan 一黎到已經聞到好香嘅蒜蓉味，食落口更加不得了，而牛油味相對清淡啲，但其實佢都好香好好食！索埋啲咖哩汁食真係不得了～ 諗到都流緊口水🤤
Chai Tea
22 瀏覽
0 讚好
0 留言
最尾仲有可以揀咖啡，拉茶或者甜品。
我梗係揀咖啡啦😂😂😂😂😂 呢兩杯係朋友嘅，我Mei Mei 左一啖，反左白眼，Mei 多啖差啲暈左😅😅 我係廢柴🥲🥲 拉茶係滑嘅，仲有一種另人好暖嘅感覺… 但佢嘅奶騷味加埋啲香料，飲奶茶飲到有羊味係咩玩法… 我真係搞唔掂🥲🥲🥲 如果你係鍾意食羊嘅，我覺得你真係要去試下！真係好鬼騷！！！
我嘅兩位朋友飲得好開心… 而我就默默地篤手指同飲咖啡啦😅
Lunch Menu
$178 p.p
Starter + Tandoor or Curry + Dessert
$218 p.p
Starter + Tandoor + Curry + Dessert
雖然我唔太喜歡佢嘅前菜，但所有嘅主菜我都覺得非常滿意！Lunch Menu 仲包埋free flow 嘅紅白酒，我唔飲酒就飲左杯橙色嘅汽水，抵到咁，難怪咁多人去食！
張貼
