影片
更多
2021-05-07
605 瀏覽
喺K11 Musea行街，唔知點解愈行愈熱🥵，咁大個商場啲冷氣都咁差㗎！呢個時候見到「DAMA」實在太好了，因為可以喺佢度食雪糕。其實我未食過㗎，不過就想試好耐😛。小店裝修型格，藝術味道十足，襯返商場個主題😎。呢度座位唔多，舖內幾個打卡位置長期坐咗人，我哋唯有坐門口位吧。當時鐘指向五點半，客人突然從四方八面湧嚟，場面變得墟冚，所以我哋有位坐，其實已經好好彩🙈。食雪糕當然係我哋首要目的🍦，軟雪糕口味每日都唔同，今日有紅肉火龍果($48)、竹炭可可椰子($48)、士多啤梨乳酪($58)以及開心果($68)。想一次過食哂四款口味的話🤤，有兩個方法，🅰️嗌4個迷你軟雪糕筒($68)，🅱️嗌2個兩溝扭紋雪糕筒。識食一定食大筒，因為咁先夠喉✌。混合味會以較貴嗰隻味收費，再另加$4。由於係純素雪糕，即不含牛奶，所以口感有少少似雪葩，亦溶得快，不過就順滑好多。左邊係❤️紅肉火龍果拼🖤竹炭可可椰子，兩隻味道均比較罕見，而且色彩配搭鮮明，好吸睛。前者味道清涼，而後者就好特別🥥，三款材料入面唔會有其中一隻太過搶味，平衡得好好，一個字，正！至於另一杯嘅兩款口味(士多啤梨乳酪同開心果)則較為常見，但定價就反而較高🙈。
喺K11 Musea行街，唔知點解愈行愈熱🥵，咁大個商場啲冷氣都咁差㗎！呢個時候見到「DAMA」實在太好了，因為可以喺佢度食雪糕。其實我未食過㗎，不過就想試好耐😛。
小店裝修型格，藝術味道十足，襯返商場個主題😎。呢度座位唔多，舖內幾個打卡位置長期坐咗人，我哋唯有坐門口位吧。當時鐘指向五點半，客人突然從四方八面湧嚟，場面變得墟冚，所以我哋有位坐，其實已經好好彩🙈。
食雪糕當然係我哋首要目的🍦，軟雪糕口味每日都唔同，今日有紅肉火龍果($48)、竹炭可可椰子($48)、士多啤梨乳酪($58)以及開心果($68)。想一次過食哂四款口味的話🤤，有兩個方法，🅰️嗌4個迷你軟雪糕筒($68)，🅱️嗌2個兩溝扭紋雪糕筒。識食一定食大筒，因為咁先夠喉✌。混合味會以較貴嗰隻味收費，再另加$4。
由於係純素雪糕，即不含牛奶，所以口感有少少似雪葩，亦溶得快，不過就順滑好多。左邊係❤️紅肉火龍果拼🖤竹炭可可椰子，兩隻味道均比較罕見，而且色彩配搭鮮明，好吸睛。前者味道清涼，而後者就好特別🥥，三款材料入面唔會有其中一隻太過搶味，平衡得好好，一個字，正！至於另一杯嘅兩款口味(士多啤梨乳酪同開心果)則較為常見，但定價就反而較高🙈。士多啤梨味都算有少少驚喜，因為加入咗乳酪，帶點酸味，有啲似Froyo🍓。
除咗軟雪糕外，呢度仲有賣鹹點輕食，我哋見有啲肚餓，價錢唔貴又有做套餐，於是決定食埋😋。每份套餐售$88，包冷麵或者素菜捲，再加飲品。小店座落於大商場入面，賣呢個價錢其實都算大眾化，至少合理吖。
冷百葉豆腐准山拌麵
$58
13 瀏覽
0 讚好
0 留言
牛油果燒烤醬素菜捲($58)，素菜捲嘅造型同印度烤餅Kebab🌯相似，但口味就大不同，佢冇大啖肉，亦冇咁濃味。素菜捲一分為二，餅皮入面包住牛油果、菜苗、雜菇同生菜等，成條捲塞得好飽滿。不過呢款食物就唔太啱我口味，始終我係「鍾意重口味」嘅小新🤣。
鹽烤百葉豆腐
$38
15 瀏覽
0 讚好
0 留言
火龍果鳳梨沙冰($48)，沙冰味道唔錯，唔會太甜，菠蘿味幾出兼清新🍍。再者，沙冰打得夠碎，口感軟綿，並無好硬嘅冰粒，所以飲到尾都好夠味，唔會淨返啲冰水。
總括嚟講，一向無肉不歡嘅我，對DAMA嘅純素體驗感到驚喜興奮🌿。我對素食無乜研究，都係食完今餐先上網認真了解下何謂「純素Vegan」。純素係指只食用不含奶蛋及五辛嘅純植物性製品💚，喺我嘅角度諗就係純素可選用嘅食材更少、更嚴格，但如果要整得好食，相信更考功夫。呢度嘅食物出品好有水準，有能力令食肉獸都愛上，尤其係佢嘅軟雪糕。最後，店員嘅服務態度亦好好，超有禮貌，又有交帶，抵讚👍！
張貼
