天賜素齋

營業中

休息中

今日同屋企人去咗一間齋菜館食飯。我本身唔係好鍾意食齋，但係屋企人話呢間齋菜館好食，所以就嚟試吓。我叫咗個素枝竹班腩煲。個煲細細煲，但係都夠熱辣辣。個芡唔會太杰，食落唔會太滯。除咗枝竹同班腩之外，仲有菜心墊底，咁就唔會黐底。班腩係用齋鰻魚整嘅。齋鰻魚嘅口感同真嘅班腩好似，但係味道就差啲。整體OK。另仲叫咗個酥炸素生蠔。估唔到咁好食，仲好食過真嘅生蠔！個炸漿又夠熱又夠脆，中間嘅「蠔」個口感好得意，冇乜纖維，又唔係爽口嗰種，好難形容，但係好好食。連同枱嗰個婆婆都問佢啲女我哋食緊乜，睇落佢都好想食。