Mr. Bake (已結業)

去開灣仔，都唔知食咩好，所以簡簡單單買個包當午餐就算！一個人去餐廳食飯有少少悶，而且灣仔真係太多人，唔想逼，唯有食簡單啲。我揀咗兩款全素的包，估唔到麵包都可以冇蛋冇奶。食落味道跟一般麵包差不多。 這個麵包結實，本來以為要食兩個包先飽，但係食完一個包之後就覺得差唔多夠飽。另外我加左$13 換奶茶，茶品濃郁，比較甜少少，店員話奶茶自家沖調的，味道相當不錯。揀好午餐後，我仲買多一盒曲奇及一袋麵包。麵包就係做聽日早餐嘅，曲奇就係見特價想試試。川天椒曲奇，有一點點辣，辣味不是入口後，馬上覺得辣的，而是吞下後，在喉嚨位辣出黎，很特別的曲奇！