CoCo壹番屋 (荃新天地) (已結業)

去日本果陣知道CoCo壹番屋完來都幾vegan friendly，返到黎香港就特登去睇下係咪同日本店一樣有咁多素食。香港既CoCo壹番屋餐牌都有一版全部都係素食，由最普通既蔬菜咖喱飯到未必人人有勇氣試既納豆咖喱飯都有。如果想食多啲餸，可以揀依個茄子蔬菜菠菜咖喱飯，乜都有啲咁。另外仲可以加錢轉十穀米，感覺更健康。味道方面講真就冇乜特別，而且一個咁既飯收90蚊感覺有啲唔抵。耐唔時一次就ok，未至於會再黎encore。順帶一提，鋪頭入面有即食咖喱比大家買返屋企自己煮，感覺抵食好多。