NUTTEA (萬廸廣場) (已結業)

來自台灣既Nuttea已經登陸左香港兩年喇，佢地既出現令到唔飲牛奶既vegan都可以品嚐到奶蓋既美味。而佢地既堅果奶蓋比一般用牛奶整既奶蓋更豐盈同厚身，而且更加健康。新蒲崗分店係Nuttea喺香港既第一間分店，地點唔算方便，但對依個地方反而有少少情意結。試問香港有邊間台式飲品店係有位坐架？但新蒲崗分店就有一個角落，比客人坐喺度品嚐，就算滿座都仲有bar枱，感覺都好舒適。雖然佢地有堅果奶、水果茶等唔同系列既飲品，但我每次都必定係飲堅果奶蓋系列，因為真係太好味。手沖咖啡奶蓋上面既奶蓋係原味奶蓋，有少少鹹香。稍為攪拌下啲奶蓋就可以溶入啲咖啡到，比一般用燕麥奶或者豆奶沖既咖啡更滑同有口感。粉紅莓好堅果奶蓋茶係季節限定，啲奶蓋都加入左士多啤梨，同原味比就多左一份甜同香。水果茶連冰一齊打，所以冇得少冰，但又唔會覺得太凍，士多啤梨同啲茶好夾，必飲。Nuttea越開越多，比更多人感受到冇牛奶同冇傷害既美好，一定會繼續支持。