九份•十分 (已結業)

啲人成日話食素唔方便，又話冇啖好食，但其實只要多啲留意餐廳既menu，好多時都會發現到有素食，仲要唔止係青菜。九份十分個menu上面有幾款素食，以前啲小菜加錢可以變餐有飯有野飲，不過依家已經冇左依支歌仔唱，全部野一律散叫，包括白飯。唔知廚房係咪落漏單，等左好耐再催佢地，等左差唔多半個鐘先有得食。可能等得太耐太餓，一個平平無奇既三杯雜菌都即刻化身美味佳餚，好夠鑊氣，而且調味唔錯。洋蔥既比例有少少過高，落多啲雜菌會好啲。個素鵝唔係平時得啲腐皮果款，仲有少少菇，都幾特別。份量唔算多，如果大份啲就好。喺素食餐廳唔多既地方，只要多啲留意餐廳既menu，都會有新發現架！