影片
更多
2017-08-08
884 瀏覽
沙隴餐廳係大埔廣場插旗多年，不過一直都無緣幫襯，機會到喇 ﹗普通茶餐廳出品，服務、格局、環境無咩持別，不討厭。差不多十一點無早餐喇，拿拿臨醫肚出旺角返泰拳，左諗右諗最後都係出前一丁。牆上寫著黑白配，唔知什麼來的呢？咖啡加奶？腸仔火腿雪菜肉絲米，火腿正常微彈微滑微咸香，煎煎去能帶焦香就更好啦。腸仔係熱狗腸，質感實淨，味道不過咸又不嗆喉，比起一般茶餐廳用開既超咸雞肉腸好食得多。雪菜份量也不少，用幾條肉絲作點綴，混上淡口雞湯掃落肚，總括整碗米粉都幾好食。太陽蛋腸仔回鍋肉出前一丁，回鍋肉足料無欺場，有筍有肉，寬卓不寒酸。香辣鮮筍爽脆無渣，鬆化瘦肉辛辣而散發微溫。太陽蛋帶著深橙色蛋黃，蛋黃味特濃，加上微焦蛋白香口無比，好好味啊 ﹗出前一丁煮得十分出色，熱燙燙送到。軟硬適中，不過腍不過濕，爽彈帶滑，明顯即叫即做，不是一早煮定呢 ﹗湯底濃郁可口，有料到 ﹗如果讓麵條掛上蛋漿同吃，更是天下無敵 ﹗炒蛋餐肉火腿湯米，餐肉真的強差人意，預先煎定，放了段時間，出晒油而質地略硬喇，味道變得重咸味，失望 ﹗用滾湯去去油再去去咸，好多了。炒蛋尚算合格，差一點就過老過熟。空氣中瀰漫著蛋香，食落發現沒有落鹽喎，其實加
腸仔火腿雪菜肉絲米，火腿正常微彈微滑微咸香，煎煎去能帶焦香就更好啦。腸仔係熱狗腸，質感實淨，味道不過咸又不嗆喉，比起一般茶餐廳用開既超咸雞肉腸好食得多。雪菜份量也不少，用幾條肉絲作點綴，混上淡口雞湯掃落肚，總括整碗米粉都幾好食。
太陽蛋腸仔回鍋肉出前一丁，回鍋肉足料無欺場，有筍有肉，寬卓不寒酸。香辣鮮筍爽脆無渣，鬆化瘦肉辛辣而散發微溫。太陽蛋帶著深橙色蛋黃，蛋黃味特濃，加上微焦蛋白香口無比，好好味啊 ﹗出前一丁煮得十分出色，熱燙燙送到。軟硬適中，不過腍不過濕，爽彈帶滑，明顯即叫即做，不是一早煮定呢 ﹗湯底濃郁可口，有料到 ﹗如果讓麵條掛上蛋漿同吃，更是天下無敵 ﹗
炒蛋餐肉火腿湯米，餐肉真的強差人意，預先煎定，放了段時間，出晒油而質地略硬喇，味道變得重咸味，失望 ﹗用滾湯去去油再去去咸，好多了。炒蛋尚算合格，差一點就過老過熟。空氣中瀰漫著蛋香，食落發現沒有落鹽喎，其實加鹽同煮會更香口更美味的。淡口雞湯連米粉掃落肚，唔難食。
太陽蛋餐肉五香肉丁出前一丁，五香肉丁就真的太少喇，只有三粒左右，明白肉丁是最貴的罐頭食品呢 ﹗夠辛辣夠香口，嚥韌不肥，用麵條捲著連肉帶湯啜入口，美味無比。
太陽蛋火腿沙嗲牛肉即食麵，以身犯險，唔食出前一丁，試試普通即食麵。最緊要唔難食，淡味水汪汪雞清湯浸著白雪雪麵條，沒怎麼發脹，比出前一丁腍少少帶點粉，尚算可以呢。沙嗲牛肉跟湯底及麵條撈得均勻後，即時大大啖連湯連麵再帶肉入口，清香的沙嗲醬甜美不辣，包著軟塾嫩滑牛肉，不乾不鞋，比想像中好味。
咸魚雞粒炒飯走蔥，原來有生菜絲架？最討厭炒飯加生菜絲，搞到濕淋淋，菜莖粒就無問題。炒功一流，每粒飯到分開，每粒飯都被蛋漿包著，炒得均勻細膩，滿有鑊氣，香氣撲鼻，食慾大增 ﹗雞粒炒飯夾雜住咸魚油香直送舌尖，打滾幾回，雞甜魚咸蛋香飯香融合，滋味無窮，蠻不錯呢 ﹗最衰都係生菜絲，要挑走先食。
豉油皇雞髀飯炒底，又會配蔥油那麼特別？還以為燒味先會有。室溫雞髀瓊晒油，內外乾爭爭，陰功咯。浸到過熟沒半點肉汁，豉油味陰沉帶濁，清香欠奉，欲哭無淚。雖然炒飯高質，蛋香蛋味濃濃，又有鑊氣又有咸香，但都不能挽回多少分數啊。
豉油皇雞髀飯，特急快餐兩分鐘到站 ﹗我試過隻雞髀非常唔掂，但朋友仔唔信邪，係都要試，您喜歡啦 ﹗雞髀凍冰冰，雞肉乾鞋無肉汁，食到嘴妙妙，抵您架，唔信我，哼 ﹗極大量蔥油隊落飯面，有三份一碟飯都被油浸住，完全入唔到口，非常浪費。其實可否用碟另上呢？
茄汁豬扒飯炒底，是日快餐，因為朋友趕返，大家要食得急一點。好緊張啊，一路等一路諗到底會是什麼茄汁呢？洋蔥汁？鮮茄汁？開估喇，係我喜愛的鮮茄喎，Lucky ﹗驚典的螢光橙色，賞心悅目。
酸甜度好夾，併埋炒飯非常好味道 ﹗炒飯熱辣辣輕煙飄飄，鑊氣迫人 ﹗香噴噴，精神爽利 ﹗飯料乾爽飽滿脹卜卜，粒粒分開唔會黐埋一舊舊，感動。豬扒有驚喜，雖然只係薄薄一塊，但質地鬆軟微彈又有趙口，醃味得宜，食得過 ﹗讓香甜豬扒肉跟鮮茄汁混和躺在炒飯上再緩緩品嚐，開心到震呀。
乾炒排骨河全走，沙隴炒手果然好功夫，暫時試過既炒粉麵飯我都讚不絕口 ﹗鑊氣有，乾身不油膩，色水靚靚又顏色均勻，香氣芬芳。河粉完整彈滑，生抽老抽比例得宜又清爽。排骨肉多骨少，彈牙質地加點脆卜卜軟骨，醃味濃郁，係肥左少少，色香味美 ﹗大大碟份量足，全部灰飛煙滅，勁飽呀 ﹗
麻婆豆腐炆伊麵，最初還估計會有汁呢，誰知出品炒得既乾身又香口，大滿足 ﹗就連豆腐都炆得內外熱辣辣，外香內嫩又滑溜，非常難得。惹味微辣肉碎撈埋嚥韌彈牙伊麵一齊食，好味到不得了，比魚香茄子炆伊麵更出色，無可挑剔，滿分 ﹗
牛丸魚蛋麵加腩汁，魚蛋味道十分自家製，魚味濃散發著咸香，爽口富彈性，跟外購貨有點分別，不錯不錯。牛丸肉滲出濃濃牛肉香，感地較實淨而硬朗，肉汁較貧脊，一般。鹼水麵爽爽的，好耐無食過依款麵喇。
公司出前一丁，什麼是公司呢？好奇心驅使下，執返劑先，索價 $38 蚊喎 ﹗原來是餐腿腸蛋叉燒加菜芯。居然比全熟煎蛋，我食開太陽蛋又點會鍾意熟蛋呢？不過照食不要浪費，兩面煎得微脆焦香，都可以既。叉燒肥騰騰又乾硬，沒有燒過到齋醃叉燒，不要啊 ﹗菜芯鮮爽甜，無渣無生水味，高質。
乾炒黑椒牛柳絲意粉，死火喇 ﹗無叫全走添，依次真係揀死我，估唔到芽菜、洋蔥、韮黃有成碗飯咁多，我唔食架 ﹗牛柳絲泛著微弱的辣味，但非常咸喎，頂不緊 ﹗整碟意粉油淋淋，勁肥膩 ﹗食完嘴仔令立立，潤脣膏慳返。幸好意粉炒嚥韌有咬口，味道剛剛好。剩餘既油可以炒多幾碟小菜啊 ﹗
炸雞髀出前一丁，最愛食雞髀，食燒味都指定食髀 ﹗即叫即炸所以要耐心等候，熱騰騰吱吱聲送到，雞皮香脆，雞肉嫩滑，比起豉油雞髀好食多倍啦 ﹗
豉油味突出，明顯地用豉油雞髀炸囉，味道都幾好，內外醃得入味，不過偏咸一點點。最後添點刺激黎返篤辣椒油先，讓麵條掛上辣椒油大大力啜入口中，突如其來的桂林風味，夠辣夠香，Good ﹗
淨魚蛋走蔥，又會咁得意係紫菜底既？仲有片頭併魚蛋添喎，正常兩樣都要加錢架。魚蛋味道十分自家製，魚味濃散發著咸香，爽口富彈性，跟外購貨有點分別，不錯不錯。魚片頭皮香肉彈，咸味都幾強。紫菜湯好好飲，加埋辣椒油更加忍唔到口，全部倒晒落肚啦。
菜芯炒斑腩，茄子賣晒，我想食茄子架，唯有轉菜芯。鑊氣十足，大大碌菜芯爽脆充滿水份。斑腩外層滑嘟嘟，魚肉鬆軟味濃不腥，但食完好頸渴啊。
腸仔火腿雪菜肉絲米
11 瀏覽
0 讚好
0 留言
太陽蛋腸仔回鍋肉出前一丁
17 瀏覽
0 讚好
0 留言
炒蛋餐肉火腿湯米
7 瀏覽
0 讚好
0 留言
太陽蛋火腿沙嗲牛肉即食麵
15 瀏覽
0 讚好
0 留言
炒蛋火腿沙嗲牛肉米粉
5 瀏覽
0 讚好
0 留言
公司出前一丁
27 瀏覽
0 讚好
0 留言
炸雞髀出前一丁
10 瀏覽
0 讚好
0 留言
太陽蛋腸仔沙嗲牛肉出前一丁
17 瀏覽
0 讚好
0 留言
太陽蛋餐肉五香肉丁出前一丁
18 瀏覽
0 讚好
0 留言
咸魚雞粒炒飯走蔥
30 瀏覽
0 讚好
0 留言
豉油皇雞髀飯炒底
21 瀏覽
0 讚好
0 留言
豉油皇雞髀飯
11 瀏覽
0 讚好
0 留言
茄汁豬扒飯炒底
42 瀏覽
0 讚好
0 留言
乾炒排骨河全走
23 瀏覽
0 讚好
0 留言
麻婆豆腐炆伊麵
21 瀏覽
0 讚好
0 留言
牛丸魚蛋麵加腩汁
17 瀏覽
0 讚好
0 留言
乾炒黑椒牛柳絲意粉
31 瀏覽
0 讚好
0 留言
乾炒黑椒牛柳絲意粉
31 瀏覽
0 讚好
0 留言
淨魚蛋走蔥
26 瀏覽
0 讚好
0 留言
菜芯炒斑腩
26 瀏覽
0 讚好
0 留言
張貼
