影片
更多
2017-09-17
1172 瀏覽
最近食多左韓國菜都想食番啲西野平衡一下，男朋友預約左呢間喺銅鑼灣嘅凡高廚房，唔講唔知，去到見到裡面啲介紹先知，我地之前都曾經去過佢地另一間喺銅鑼灣嘅cafe呢。餐廳位於樓上嘅舊式大廈，唔算好當眼，不過黎過都覺得好值得一試啊，特別如果你喜歡有特色、格調嘅裝潢，相信都會喜歡呢度。由門面到裡面嘅擺設都甚有藝術氛圍。近門口位置仲有一張桌球枱，晚上就未見有客人去玩。旁邊就係好多女士，食食下飯都走去打卡嘅吊椅，真心幾靚架，不過環境就暗少少，營造氣氛嘛。餐牌供應西餐為主，有海鮮拼盤、芝士火鍋、小食、沙律、飯、意大利粉、扒類、薄餅、甜品等，同時供應多款套餐，二人、四人，花多眼亂，定價中上。最後我地簡單選擇左兩份set dinner及一份小食，相當滿意晚市套餐包括餐湯、前菜、主食、是日甜品、餐茶，定價$208-$298，主菜方面選擇豐富，有意大利粉、海鮮飯、豬肋骨、煎三文魚、牛柳串燒等。蛋餅：蛋餅鬆軟，蛋味唔算好濃，不過蛋嘅外皮煎到酥微脆，作為開胃前菜，都幾精緻餐包、洋蔥湯：麵包微溫，食落軟熟。洋蔥湯夠熱，暖暖肚，洋蔥都煮到腍哂，男朋友就覺得麵包粒可以再多啲。普羅旺斯式白菌田螺伴薯蓉 $148呢份田螺分
餐牌供應西餐為主，有海鮮拼盤、芝士火鍋、小食、沙律、飯、意大利粉、扒類、薄餅、甜品等，同時供應多款套餐，二人、四人，花多眼亂，定價中上。最後我地簡單選擇左兩份set dinner及一份小食，相當滿意晚市套餐包括餐湯、前菜、主食、是日甜品、餐茶，定價$208-$298，主菜方面選擇豐富，有意大利粉、海鮮飯、豬肋骨、煎三文魚、牛柳串燒等。
蛋餅：蛋餅鬆軟，蛋味唔算好濃，不過蛋嘅外皮煎到酥微脆，作為開胃前菜，都幾精緻
蛋餅
22 瀏覽
0 讚好
0 留言
餐包、洋蔥湯：麵包微溫，食落軟熟。洋蔥湯夠熱，暖暖肚，洋蔥都煮到腍哂，男朋友就覺得麵包粒可以再多啲。
餐包、洋蔥湯
9 瀏覽
0 讚好
0 留言
洋蔥湯
18 瀏覽
0 讚好
0 留言
普羅旺斯式白菌田螺伴薯蓉 $148
呢份田螺分大、小份量，見我鐘意食田螺，所以男朋友點左大份，哈哈，原來份量係有咁多，兩個人食完呢道小食已經飽左大半。一共有12小份薯蓉田螺，每份更加有兩小隻，性價比高啊。薯蓉入口綿滑，田螺爽口，配上少量彩椒、香料，味道一流
普羅旺斯式白菌田螺伴薯蓉
$148
23 瀏覽
0 讚好
0 留言
意式馬賽海鮮飯 $248
海鮮飯嘅飯量就唔算好多，反而配料幾豐富，有大蝦、帶子、青口、魷魚。意大利飯濕潤，飯粒不會過硬，曾經食過一啲意大利飯硬到我胃痛 (哭)
蝦肉已去殼方便食用，唔算好彈牙；帶子幾爽口啊，青口控表示滿意只可惜肚皮唔爭氣，想食多份青口都冇quota了。
意式馬賽海鮮飯
$248
37 瀏覽
0 讚好
0 留言
意式馬賽海鮮飯
$248
21 瀏覽
0 讚好
0 留言
地中海式火焰牛柳串燒 配牛肉燒汁 伴蒜蓉香草醬薯角 $298
名字好長嘅牛柳粒，店員會用鐵盤呈上，然後即場喺面前用火槍加熱，雖然係gimmick，都足以令我地嘩嘩聲，未見過大場面(笑)。
唔好睇牛柳粒只有兩串、六件，其實每件都幾大舊，而且非常厚身，好似切件嘅牛扒咁因為本身牛柳粒質素都唔差，所以唔需要過多調味，肉質唔韌唔鞋，裡面好似牛扒一樣，大約七成熟，肉汁豐富，沾上牛肉燒汁，簡單美味
地中海式火焰牛柳串燒 配牛肉燒汁 伴蒜蓉香草醬薯角
$298
13 瀏覽
0 讚好
0 留言
地中海式火焰牛柳串燒 配牛肉燒汁 伴蒜蓉香草醬薯角
$298
31 瀏覽
0 讚好
0 留言
朱古力慕絲
是日甜品係慕絲，本來見左右兩張枱，一邊點左火焰雪山，一邊點左梳乎厘，真係好吸引，因為跟餐加配其實仲會平少少，但我真係太飽，只好放棄專心食番個是日甜品算，估唔到朱古力慕絲都唔差，細細一杯，朱古力味好濃，而且慕絲質地都好滑，下次點都留肚試下其他甜品。
朱古力慕絲
13 瀏覽
0 讚好
0 留言
朱古力慕絲
54 瀏覽
0 讚好
0 留言
熱咖啡
熱咖啡
19 瀏覽
0 讚好
0 留言
巨人 (荔枝) +$20
點左一杯特飲試下，呢杯係可爾必思嘅味道，不過甜左少少。
巨人 (荔枝)
$20
28 瀏覽
0 讚好
0 留言
特別一提，佢地唔係走一般平價西餐嘅路線，喺食物水準同服務方面都做到好足，上菜嘅速度遷就客人，唔會一黎就嘭嘭聲上菜，亦都喺每道菜間換上乾淨嘅碟，招呼有禮。有時花左錢，除左想食到美食，都希望有相應嘅服務，先算係好嘅用餐體驗
環境：
張貼
