壽司豐 (已結業)

今日心情靚靚，因為夜晚去咗尖沙咀嘅豐食佢哋嘅omakase。我今晚食嘅嘢由Billy師傅主理。Billy師傅全程介紹住每道食材，大家一路傾住計咁食，氣氛非常之好。我食嘅係［盛］course，有前菜、時令壽司、味噌湯同埋甜品。前菜嘅柚子醃大根爽脆清甜，好正。嚟到時令壽司，Billy師傅會就住你食嘢嘅速度而製作，所以食得好舒服。而壽司內已有wasabi、面亦會有醬油/即磨海鹽調味，基本上唔需要再點豉油。活赤貝 - 好爽身，鮮甜。間八魚 - 甘香美味，爽口彈牙。昆布漬劍魚 - 魚身滲透住薄薄嘅昆布香。燒油甘魚腩 - 燒一燒後，油香味更突出。縞鰺（深海池魚）面頭嘅蒜同京蔥令縞鰺鮮味提升不少。マクロ - 依一個係最近主骨嘅位置，吞拿魚最味濃郁。穴子 - 汁係用魚骨淆製，所以斬好香濃魚味。拖羅海膽 - 滿滿嘅拖羅蓉，面頭再加上海膽，新鮮甜美。一淡放哂入口，超滿足兩日熟成大拖羅 - 另一位主理師傅(Michael師傅)請在場客人食嘅壽司。第一次食熟成大拖羅，好食嘅程度係筆墨所不能形容，南瓜魚湯 - 味噌湯嘅有魚嘅鮮，亦有南瓜嘅甜味，兩暫味道好夾。最後食埋熊本赤蜜瓜，係一個好好嘅總結。