影片
更多
2016-08-27
1615 瀏覽
朋友知我中意食Burger，叫我今次食飯要帶佢去試試，個晚收左工我就帶左佢去呢間我中學年代已經食過，並一試愛上既漢堡包老店！中環一向有好多老牌餐廳，而Shake'em Buns就係其中一間西式老字號啦！佢既鋪頭都一直係中環威靈頓街同石板移既交界小巷閣樓上，易搵得黎又帶少少神秘，好似有種只有熟客仔或者有心試呢間餐廳既人先會搵到既感覺。唔想盪失路既話，Tips就係認住呢間7仔！店外牆身畫上大大幅塗鴉，有藝術氣息得黎仲帶出濃濃既美式餐廳風格。餐廳面積不大，一入門口就係簡單一個「L」字咩都睇哂，埋邊就係水吧同廚房。坐窗邊位可以睇住中環街景食Burger，都幾好Feel架！成間餐廳都有好多美式塗鴉風格既圖畫同標示，連雪櫃上面都有餐廳招牌。呢到採用自助形式，客人係Menu上睇岩要食咩就到收銀處落單付款，隔一陣就係“Pick Up Here"牌既位置取食物，而如果你點既係汽水之類既罐裝/樽裝飲品，就只需要自己招呼自已去雪櫃攞就得，非常Casual！Menu得兩頁字，Burger有十款，另外有幾款薯條、沙律同小食，飲品主要有汽水、啤酒同Milkshake，選擇雖然算唔上豐富，但總算應有盡有。Phill
個晚收左工我就帶左佢去呢間我中學年代已經食過，並一試愛上既漢堡包老店！
中環一向有好多老牌餐廳，而Shake'em Buns就係其中一間西式老字號啦！
佢既鋪頭都一直係中環威靈頓街同石板移既交界小巷閣樓上，
易搵得黎又帶少少神秘，好似有種只有熟客仔或者有心試呢間餐廳既人先會搵到既感覺。
唔想盪失路既話，Tips就係認住呢間7仔！
店外牆身畫上大大幅塗鴉，有藝術氣息得黎仲帶出濃濃既美式餐廳風格。
餐廳面積不大，一入門口就係簡單一個「L」字咩都睇哂，埋邊就係水吧同廚房。
坐窗邊位可以睇住中環街景食Burger，都幾好Feel架！
成間餐廳都有好多美式塗鴉風格既圖畫同標示，連雪櫃上面都有餐廳招牌。
呢到採用自助形式，客人係Menu上睇岩要食咩就到收銀處落單付款，隔一陣就係“Pick Up Here"牌既位置取食物，而如果你點既係汽水之類既罐裝/樽裝飲品，
就只需要自己招呼自已去雪櫃攞就得，非常Casual！
Menu得兩頁字，Burger有十款，另外有幾款薯條、沙律同小食，飲品主要有汽水、啤酒同Milkshake，選擇雖然算唔上豐富，
但總算應有盡有。
Philly's Burger
$108
47 瀏覽
0 讚好
0 留言
好特別又好味既一款漢堡包，
首先佢預先將麵包塗上牛油再擰去烘熱，
烘出黎既包就變得外脆內軟！
又散發住陣陣牛油香，
聞到都令人流哂口水！
另外平日食牛肉漢堡中間都係夾住塊漢堡扒，
但呢款既牛肉係烤肥牛片，
食落肉味濃郁，仲有少少脂肪好香口！
而牛肉片食落亦無厚實漢堡扒咁油膩Heavy。
醬料用上美式芝士醬同蛋黃醬，兩款醬混合出黎味道好夾，
無搶過左芝士味之餘仲輕盈左，
再配合埋微甜既焦糖洋蔥、燈籠椒絲、
蘑菇片呢D蔬菜配料，
食落感覺豐富得黎又健康，
一個女仔都可以自己食得哂成個包，
打破一般人覺得牛肉漢堡就等於唔健康、
多肉少菜同飽滯既諗法，推介！
Garlic Fries with Truffle Mayo
$68
70 瀏覽
0 讚好
0 留言
食漢堡包又點可以唔食埋薯條呢？其實佢地既包係有Combo跟，
＄32可以跟Fries + Soda，$52可以跟Fries + Milkshake，
不過Poutine、Cheese Fries太漏，淨薯條又太齋，
我同朋友大家都覺得呢款黑松露薯條最好，所以就散嗌算啦！
薯條上有大量蔥花同蒜粒，有蒜香但又唔算好重口味，
而且佢女仔食完都唔洗驚口臭！哈哈。
係我最中意既粗身薯條，好有「肉地」同薯味，唔似食緊風咁，
上面連住薯皮亦夠哂Raw同天然呢！
Garlic Fries with Truffle Mayo
$68
41 瀏覽
0 讚好
0 留言
出黎效果一般而且唔太有松露味，我個人麻麻地，
另外醬既份量對比起咁大份薯條黎講亦都太少啦，
不過佢地係枱面都放左好幾種基本醬料俾客人任意添加，
最後我都係點返最大路既Ketch Up黎食。
Chocolate & Peanut Butter Milkshake
$52
28 瀏覽
0 讚好
0 留言
飲品我思前想後，最後我係瘦身同好味之間揀左好味，
講緊就係我飲既呢杯終極邪惡朱古力花生醬Milkshake！
Milkshake Size都幾大杯，用朱古力醬係杯身畫出簡單而美觀既花紋，
杯面仲有大量忌廉，真係滿到就瀉！
因為呢個組合對女士黎講真係太邪惡，我同朋友先決定一人飲一細啖，
我吸左一啖，留係口腔停一停，Milkshake既朱古力味雖然濃郁，
但係混合左花生醬之後，飲出黎唔太甜，有淡淡花生香，
而且仲有種好細滑既口感，飲落感覺好舒服同溫和，
少飲呢類飲品既我都好中意，仲可以當埋餐後甜品呢！
張貼
