滿屋廚房 (已結業)

最近見有youtuber拍片食髒髒雞蛋仔，對依間野幾有興趣，即時睇過餐牌，食物都吸引喎! 於是就約埋4個人一齊去試下。當日星期日，大約2點前，仲係午餐時間。入面唔係好大，半個舖位都用來賣精品。嗰日冇職員招呼，同另一食客搭枱。食物款式唔多，比我之前睇嘅有出入，沒有湯粉麵，又沒有飯類🤔🤔menu只得幾款意粉，唔係掛😱😱我地叫左「水牛芝士雞蛋仔」，有拉絲的效果，淡淡芝士味另外叫了凍檸茶，熱檸茶，比一般大杯「野菌黑松露蝴蝶粉」，意粉有嚼頭，不會太淋身。係好食嘅，但好細份量，肚餓的話實唔夠飽。「煙三文魚班迪蛋迷你牛角包」，本人不是牛角包愛好者，所以我只是切開流心蛋和煙三文魚吃。由於，個牛角包真的超迷你，只有一隻手指長，真係可以一啖擺落口。（相片影出來，似手掌咁大）流心蛋一切開就湧出來，但整體味道沒有特別。總括而言，我覺得這間餐廳食物份量頗少，價錢偏貴，cp值低了一點，應該唔會有下次。