小曼谷泰國美食 (教育路)

營業中

休息中

元朗嘅小曼谷，個格局同茶餐廳一樣，但絕對有驚喜。Weekend周圍都多人，我哋五個人係門口等左半個鐘左右就有位。跟餐配嘅鳯爪，調味好正，辣度剛好。散叫的蝦餅小食，同尋常蝦餅唔同，佢唔係個種好彈牙嘅質地，食落都幾特別，我個人係覺得幾好食嘅。青咖哩好開胃，送飯一流，不過唔食得辣嘅話就最好不了。跟餐串燒，不過不失。個酥餅超級鬆脆，一定要熱辣辣食，配埋黃咖哩食超級惹味，絕對要試！船麪最緊要就係個湯底，我覺得小曼谷嘅船麪湯底真係有泰國風味。個海南雞略嫌乾身，好彩個湯底搭救。餐廳待應叔叔好風趣，想係元朗食泰國絕對值得一試。